Президенти Ҷумҳурии Ӯзбекистон Шавкат Мирзиёев дар маросими ифтитоҳи V Бозиҳои ҷаҳонии кӯчманчиён дар Остона иштирок кард.
Дар чорабинӣ, ки дар «Остона Арена» доир гардид, Президенти Ҷумҳурии Қазоқистон Қосим-Ҷомарт Тоқаев, Президенти Ҷумҳурии Қирғизистон Садир Жапаров, Пешвои миллии халқи Туркман, Раиси Халқ Маслаҳатии Туркманистон Гурбангулӣ Бердимуҳамедов, Раиси Тотористон Рустам Миннихонов ва меҳмонон аз дигар кишварҳои хориҷӣ иштирок карданд.
Дар мусобиқа беш аз 2000 варзишгар аз ҳудуди 90 кишвари ҷаҳон, аз ҷумла намояндагони Ӯзбекистон ширкат доранд. Ҳамватанони мо дар гӯштингирӣ, ресмонкашӣ, камонварӣ, пойга, қувваозмоии паҳлавонон неруи худро месанҷанд.
Ба иштирокчиён намоиши театрикунонидашуда бахшида ба фарҳангу таърих, анъана ва расму оинҳои мардуми бодиянишин намоиш дода шуд.
Пас аз анҷоми маросим сарвари давлат ба Тошканд баргашт. Меҳмони олиро дар Фурудгоҳи байналмилалии Остона Сарвазири Қазоқистон Олжас Бектенов гусел кард.
