3 кӯдаки ноболиғ, ки дар Туркия бе парастории волидон монда буданд, ба кишварамон баргардонида шуданд.
Дар ин бора хадамоти ахбори Консулгарии генералӣ хабар дод.
Гуфта мешавад, ки се кӯдаки ноболиғ, ки дар Туркия бе парастории волидон монда буданд, дар чаҳорчӯби тадбирҳои кумаки иҷтимоӣ ва ҳуқуқӣ ба ҳамватанони бурунмарзӣ ба ватан баргардонида шуданд.
Аз ҷумла, дар натиҷаи чорабиниҳое, ки дар ҳамкорӣ бо Консулгарии генералӣ дар Истамбул, Вазоратҳои корҳои дохилӣ ва тандурустии Ҷумҳурии Ӯзбекистон амалӣ гардиданд, дар асоси муроҷиати хешовандони наздики 2 духтари 16 ва 6-сола ва 1 писарбачаи 11-сола, ки бо сабабҳои гуногун аз нигоҳубини волидон маҳрум шудаанд, рӯзи 2 октябри соли равон таҳти назорати кормандони масъул ба шаҳри Тошканд фиристода шуд.
"Аз волидон хоҳиш карда мешавад, ки фарзандони ноболиғи худро дар кишварҳои хориҷӣ беназорат нагузоранд ва аз шаҳрвандони мо дархост карда мешавад, ки дар бораи кӯдакони дар хориҷа беназоратмонда фавран ба намояндагиҳои дипломатии хориҷии Ҷумҳурии Ӯзбекистон хабар диҳанд", - омадааст дар хабар.
