Дар доираи барномаи будубош дар шаҳри Ашқобод Президенти Ҷумҳурии Ӯзбекистон Шавкат Мирзиёев бо Пешвои миллии халқи туркман, Раиси Халқ Маслаҳатии Туркманистон Гурбангулӣ Бердимуҳамедов мулоқот анҷом дод.
Сарвари давлатамон Гурбангулӣ Бердимуҳамедовро барои дар сатҳи олӣ баргузор шудани Форуми байналмилалӣ бахшида ба 300-солагии зодрӯзи шоир ва мутафаккир Махтумқулӣ Фироқӣ самимона табрик гуфт.
Дар рафти суҳбат ба масъалаҳои густариши минбаъдаи муносибатҳои шарикии стратегии Ӯзбекистону Туркманистон, амиқсозии ҳамкории бисёрҷанба, пеш аз ҳама дар соҳаҳои сиёсӣ, байнипарлумонӣ, тиҷоративу иқтисодӣ ва маданиву гуманитарӣ таваҷҷуҳи алоҳида дода шуд.
Афзоиши босуръати гардиши моли мутақобила, кори муштарак ҷиҳати роҳандозии тиҷорати минтақаи наздисарҳадӣ, пурзӯр гардондани кооператсия дар соҳаҳои энергетика, нақлиёт, кишоварзӣ ва хоҷагии об бо қаноатмандӣ қайд гардид.
Чорабиниҳо дар чаҳорчӯби табодули фаъоли байниминтақавӣ, тиҷоратӣ ва фарҳангиву башардӯстона мунтазам гузаронда мешаванд.
Роҳбарони Ӯзбекистон ва Туркманистон инчунин масъалаҳои мубрами рӯзномаи минтақавӣ ва байналмилалиро баррасӣ намуданд.
Ҷадвали мулоқоти минбаъдаи сатҳи олӣ баррасӣ шуд.
Сарвари давлатамон ба Пешвои миллии халқи туркман маҷмӯи асарҳои мунтахаби Махтумқулиро, ки ба забони ӯзбекӣ нашр шудааст, туҳфа кард.
