31 октябр ҷамъомади навбатии Комиссияи марказии интихоботӣ ба вуқӯъ пайваст. Дар он масъалаи ба қайдгирии депутатҳое, ки дар интихоботи санаи 27 октябр интихоб шудаанд, баррасӣ гардид.

Дар ҷамъомад раиси Комиссияи марказии интихоботӣ З. Низомхӯҷаев қайд намуд, ки дар интихоботи депутатҳо ба Палатаи қонунгузории Олий Маҷлиси Ҷумҳурии Ӯзбекистон, Ҷоқарги Кенеси Ҷумҳурии Қароқалпоқистон, депутатҳои Шӯрои халқии вилоятҳо ва шаҳри Тошканд, ноҳия ва шаҳрҳо 15 миллиону 27 ҳазору 529 интихобкунанда овоз додаанд, ки 74,72 фоизи миқдори умумии интихобкунандагонро ташкил медиҳад. Вай ҳамчунин таъкид кард, ки рағбати шаҳрвандон ба ҷараёни интихобот афзудааст, ки ин дар рафти тайёрӣ ва баргузории интихобот равшан ба назар расид. Мувофиқи қонунгузории интихоботӣ натиҷаи интихобот ба палатаи поёнии парлумон баррасӣ гардид, 75 депутат, ки аз ҳавзаҳои якмандата интихоб шудаанд, 75 депутате, ки аз ҳаввзаҳои якмандата бинобар рӯйхати ҳизбҳо интихоб гардидаанд, умуман 150 депутат ба қайд гирифта шуданд. Зикр шуд, ки бинобар натиҷаи интихоботи депутатҳо ба Палатаи қонунгузории Олий Маҷлис оид ба ҳавзаи ягонаи интихоботии Ҷунбиши соҳибкорон ва корчаллонҳо – Ҳизби либераливу демократии Ӯзбекистон – 25, Ҳизби демократии «Миллий тикланиш» – 14, Ҳизби халқиву демократӣ – 13, Ҳизби сотсиал-демократии «Адолат» – 12, Ҳизби экологии Ӯзбекистон –10 ҷойи депутатиро ишғол карданд. Бинобар ҳавзаҳои интихоботии якмандата аз ӮзЛиДеП – 30, аз Ҳизби демократии «Миллий тикланиш» – 15, аз Ҳизби сотсиал-демократии «Адолат» – 9, аз Ҳизби халқиву демократӣ – 7, аз Ҳизби экологии Ӯзбекистон – 6 депутат интихоб гардиданд. Тобеияти ҳизбии 150 депутат, ки ба Палатаи қонунгузорӣ дар пояи овоздиҳӣ, ки барои ҳизб ва номзадҳо ба депутатӣ дода шудаанд, ба тарзи зерин аст: аз Ҷунбиши соҳибкорон ва корчаллонҳо – Ҳизби либераливу демократӣ – 64 ҷой, ё худ 42,7 фоиз; аз Ҳизби демократии Ӯзбекистон «Миллий тикланиш» – 29 ҷой, ё худ 19,3 фоиз; аз Ҳизби сотсиал-демократии Ӯзбекистон «Адолат» – 21 ҷой, ё худ 14 фоиз; аз Ҳизби халқиву демократии Ӯзбекистон – 20 ҷой, ё худ 13,3 фоиз; аз Ҳизби экологии Ӯзбекистон – 16 ҷой, ё худ 10,7 фоиз. Таъкид гардид, ки бинобар натиҷаи интихобот ҳайати палатаи поёнӣ анқариб 60 фоиз нав шуд. 38 фоизи депутатҳои интихобшударо занон ташкил доданд, ки ин дар таърихи Ӯзбекистон нишондиҳандаи олист. Ҳамаи депутатҳо дорои маълумоти олӣ мебошанд, 15 фоизи онҳо дар хориҷа таълим гирифтаанд, 35 фоизашони дараҷаҳои илмӣ доранд. Бори аввал се шаҳрванди ногиро депутат интихоб шуданд. Аз ҷониби комиссияҳои интихоботии ҳудудӣ, ноҳиявӣ ва шаҳрӣ натиҷаи интихоби депутатҳо ба Шӯроҳои маҳаллӣ ҷамъбаст карда шуд. Тавре ки зикр гардид, бинобар натиҷаи интихоботи депутатҳо ба Ҷоқарги Кенеси Ҷумҳурии Қароқалпоқистон, депутатҳои шӯроҳои халқии вилоят ва шаҳри Тошканд, ноҳиявӣ ва шаҳрӣ 59,2 фоизи ҳайати Шӯроҳои маҳаллӣ нав шуданд. 32,6 фоизи депутатҳои навинтихобшударо занон ташкил доданд. Синну соли 4 фоизи депутатҳо – то 30, 39,5 фоиз – аз 30 то 45, 40,8 фоиз – аз 45 то 60, 15,7 фоиз – аз 60 сол ва аз он зиёдро ташкил медиҳад. 11,2 фоизи номзадҳои интихобшударо намояндагони миллатҳои зерин, ки дар кишвари мо зисту зиндагӣ доранд, аз ҷумла 175 тоҷик, 111 қазоқ, 33 туркман, 29 рус, 21 нафар қирғиз ва ғайра ташкил доданд. 93,3 фоизи депутатҳо дорои маълумоти олӣ мебошанд, дар байни онҳо 36,2 фоиз – омӯзгорон, 18,2 фоиз – иқтисоддонҳо, 13 фоиз – муҳандисон, 7,6 фоиз – шифокорон, 5 фоиз – ҳуқуқшиносон, 20 фоиз – намояндагони соҳаи фарҳанг, соҳибкор ва фермерон ҳастанд. 138 нафар маъюбон депутатҳои Шӯроҳои маҳаллӣ интихоб гардиданд. Дар ҷамъомад масъала дар бораи тасдиқ кардани Қоида оид ба гувоҳнома ва нишони сарисинагии депутати Палатаи қонунгузорӣ, узви Сенат, депутати Шӯроҳои депутатҳои халқии вилоятӣ, ноҳиявӣ ва шаҳрӣ баррасӣ шуд. Бинобар масъалаҳои муҳокимашуда қарори дахлдор қабул гардид. Муҳтарама Комилова, хабарнигори ӮзА.