Тибқи маълумоти Консулгарии генералии Ӯзбекистон дар Истанбул, ду нафари фавтидагон — зан мебошанд. Ҳамчунин, баъзе шаҳрвандони Ӯзбекистон, ки заҳролуд шудаанд, пас аз анҷоми муолиҷа аз беморхона ҷавоб дода шудаанд.
Ба ҳолати 30 январи соли 2025, шумораи шаҳрвандони Ӯзбекистон, ки дар қаламрави Туркия бар асари заҳролудшавӣ аз машруботи қалбакӣ зарар дидаанд, ба 23 нафар расид. Дар ин бора Консулгарии генералии Ӯзбекистон дар Истанбул хабар дод.
Гуфта мешавад, ки ду нафари фавтидагон — зан мебошанд.
Тибқи иттилои Консулгарӣ, барои интиқоли ҷасади ҳамаи фавтидагон ба Ӯзбекистон аз ҷониби Вазорати корҳои хориҷӣ ва Агентии муҳоҷират кумаки консулӣ, ҳуқуқӣ ва ташкилӣ расонида шудааст.
Ҳамчунин, баъзе ҳамватанон пас аз анҷоми курси муолиҷа аз беморхона ҷавоб дода шудаанд, ва бархе дигар табобати худро идома медиҳанд.
«Сафорати Ӯзбекистон дар Анқара ва Консулгарии генералии Ӯзбекистон дар Истанбул назорати ин масъаларо идома медиҳанд», — омадааст дар хабар.
Ёдовар мешавем, ки рӯзи 15 январ ба Консулгарӣ муроҷиатҳо дар бораи фавти 4 шаҳрванди Ӯзбекистон бар асари истеъмоли машруботи қалбакӣ ворид шуда буданд. Баъдан шумораи фавтидагон ба 17 нафар расид. Ҳамчунин, ҳолатҳое ошкор шуданд, ки бархе аз шаҳрвандони Ӯзбекистон, гарчанде заҳролуд шудаанд, кӯшиш кардаанд ба беморхона муроҷиат накарда, дар шароити хона табобат гиранд.
Бар асоси ин ҳодиса, ду шаҳрванди Туркманистон боздошт шуда, нисбат ба онҳо парвандаи ҷиноятӣ оғоз гардидааст.
