Оҷонсии тадқиқоти фазонавардии Ҷопон (JAXA) ракетаи борбари синфи вазнини H3-ро бо моҳвораи "Митибики-6" ба фазо партоб кард.
Тавре ки Report хабар медиҳад, интиқоли мустақими партоби он аз пойгоҳи кайҳонии Танэгасима, воқеъ дар ҷанубу ғарби кишвар, аз ҷониби Оҷонсии тадқиқоти фазонавардии Ҷопон (JAXA) анҷом дода шуд.
Гуфта мешавад, ки дар сурати бо муваффақият ба мадор баромадани моҳвора, он панҷумин дастгоҳи фаъол дар системаи глобалии ҷойгиркунии Ҷопон – "Митибики" хоҳад шуд, ки номи расмии он Quasi-Zenith Satellite System (QZSS) мебошад. То соли 2026 шумораи моҳвораҳои "Митибики" ба ҳафт ва то охири солҳои 2030-ум ба ёздаҳ расонида мешавад.
H3 бузургтарин ракетаи борбари Ҷопон буда, бо сӯзишвории моеъ кор мекунад. Дарозиаш 63 метр, диаметраш 5,2 метр ва иқтидори борбардориаш аз 4 то 6,5 тонна мебошад.
