Ҳамватани мо, ки бо мақсади кор ба Латвия рафта, сахт бемор шудааст, бо кумаки Сафорати Ӯзбекистон дар Рига ба Ватан баргардонида шуд.
Тавре ки АИ «Дунё» иттилоъ медиҳад, шаҳрванд М.В. соли гузашта барои кор ба Рига рафта буд. Вале бинобар мушкилоти саломатӣ ӯ дар нимаи моҳи январ ба яке аз клиникаҳои Рига бистарӣ шуд.
Бо рӯ ба рӯ шудан ба вазъияти мушкил, ӯ ба Сафорати Ӯзбекистон муроҷиат карда, барои бозгашт ба Ватан ва ҳалли мушкилоти пешомада кумак хост.
Дипломатҳо бо кормандони бемористон дар Рига мулоқот намуда, дар тартиб додани ҳуҷҷатҳо барои бозгашти М.В. ба Ӯзбекистон кумаки амалӣ расониданд. Ҳамчунин, бо дастгирии Сафорат ва дафтари Созмони байналмилалии муҳоҷират дар Рига масъалаи пардохти хароҷоти марбут ба муолиҷаи бемор ва хариди чиптаҳои ҳавопаймо барои бозгашт ҳалли худро ёфт.
Пас аз анҷоми бомуваффақияти табобат дар беморхона, ҳамватани мо бо хатсайри «Рига - Тошканд»-и ширкати ҳавопаймоии Uzbekistan Airways ба Ӯзбекистон расид.
