Фармони Президенти Ҷумҳурии Ӯзбекистон

Ба мақсади ба роҳ мондани иҷрои бечунучарои вазифаҳое, ки дар Стратегияи «Ӯзбекистон – 2030» ва дар ҷамъомади палатаҳои Олий Маҷлис бобати татбиқ сохтани маҷмӯи «трансформатсияи сабз»-и соҳа ва ҷанбаҳо ҳангоми иҷрои ӯҳдадориҳои кишвари мо, ки дар назди ҷомеаи ҷаҳонӣ дар доираи Ҳуҷҷати Киот ба Конвенсияи ҳудудии Созмони Милали Муттаҳид оид ба тағйироти иқлим ва Муоҳидаи Париж, таъмин намудани рақобатбардорӣ ва сарфаи захираҳои онҳо, ҳамчунин нармтар сохтани оқибатҳои тағйироти иқлим ва обсозиш ба он, беҳтар намудани сифати ҳаёти аҳолӣ ва гузаштан ба рушди иқтисодӣ дар модели нави рушди «сабз», қабул шудаанд:

1. Инҳо муносибатҳои афзалиятноки рушди мамлакат дар «Соли ҳифзи муҳити зист ва «иқтисодиёти сабз» муайян карда шаванд:

беҳтар намудани симои экологии маҳаллаҳо, баланд бардоштани сатҳи кабудизоркунии кӯчаҳо, ташаккул додани муҳити мусоид ва хуби экологӣ барои зиндагӣ;

мустаҳкам намудани саломатии аҳолӣ, фароҳам овардани шароит барои ташаккул додани тарзи ҳаёти экологӣ ва татбиқ кардани иқтидори инсонӣ;

муносибати эҳтиёткорона ва сарфакорона истифода бурдани захираҳои табиӣ, таъмин сохтани устувории экологӣ;

барои насли оянда муҳофизат кардан, бунёд намудан ва нигоҳ доштани олами рустанӣ ва ҳайвонот, ҳифзи гуногунрангии биологӣ;

лоиҳаҳои устувори молиявӣ, ки ба васеъ ҷалб намудани равандҳои «иқтисодиёти сабз», обсозиши иқтисодиёт ба тағйироти иқлим нигаронида шудаанд;

зиёд кардани саҳми энергияи такрорӣ дар эътидоли энергетикии ҷумҳурӣ, бо иловаи бунёди бузургтарин «истгоҳҳои сабзи электрӣ» дар пояи шарикии давлативу хусусӣ, вусъат додани шабакаҳои истгоҳҳои хурду кучаки гидроэлектрӣ дар минтақаҳо, рағбатноксозии гузоштани панелҳои офтобӣ дар хоҷагиҳои манзилии аҳолӣ;

коҳиш додани «асорати карбон» дар иқтисодиёт аз тариқи васеъ истифода бурдани технологияҳои замонавии сарфакунандаи энергия дар соҳаҳои иқтисодиёт ва ҷанбаҳои иҷтимоӣ;

таъмин намудани ҳамоҳангии байниминтақавӣ ва байнисоҳавӣ, ки ба устувории экологӣ нигаронида шудаанд.

Муқаррар карда шавад, ки муносибатҳои афзалиятнок барои то соли 2030-юм ҳадди ақалл ба 6 фоиз расондани рушди солонаи маҷмӯи маҳсулоти дохилӣ ва то 200 миллиард доллари ИМА расондани ҳаҷми он, нигоҳ доштани муфлисӣ дар сатҳи 5 фоиз, ба дараҷаи 3 фоиз нигоҳ доштани норасоии буҷа нисбати маҷмӯи маҳсулоти дохилӣ, коҳиш додани нодорӣ ва баланд бардоштани некуҳолии аҳолӣ аз тариқи гузаштан ба модели рушди иқтисодӣ, ки истифодаи сарфакоронаи захираҳоро пешбинӣ менамояд.

2. Дар соли 2025-ум самти маблағгузории устувори лоиҳаҳое, ки ба васеъ ҷорӣ намудани равандҳои «иқтисодиёти сабз» нигаронида шудаанд, ғайрикарбоникунонии иқтисодиёт, нармсозии оқибатҳои тағйироти иқлим ва обсозиш ба он:

коркарди стратегияи дарозмуҳлати муваффақшавӣ ба бетарафии карбонӣ дар Ӯзбекистон бо назардошти талаботи Муоҳидаи Париж;

нашри саҳми кишвари мо дар коҳиш додани партови газҳои гармхонаҳо (NDS) дар миқёси ҷаҳонӣ барои 5 соли минбаъда бо назардошти обсозиш ба тағйироти иқлим ва трансфери «технологияҳои сабз», ки дар сатҳи миллӣ муайян карда шудаанд;

муайян кардани ҳолати пойгоҳии эмиссияи метан дар соҳаҳои зерин, аз ҷумла гази табиӣ, муомила бо партовҳо ва чорводорӣ дар доираи ӯҳдадорӣ бинобар коҳиш додани эмиссияи метан;

саҳми манбаъҳои нави энергетикиро дар генератсияи энергияи электр аз 26 то ба 40 фоиз расондан дар сохтори умумии иқтидорҳои генератсия аз тариқи ба истифода супурдани иқтидорҳо дар ҳаҷми 4,5 ГВт-и азими офтобӣ ва истгоҳҳои бодӣ, гузоштани панелҳои офтобии иқтидорашон 785 мегаватт, сохтмони истгоҳҳои электрии иқтидорашон 225 МВт;

ҷорӣ намудани сертификати «Бинои сабз» бо дарназардошти самаранокии энергетикии биноҳои навсохташуда, иншоот ва хонаҳои истиқоматӣ.

Муовини Сарвазир – вазири иқтисодиёт ва молия Ҷ.Қӯчқоров, ҳамчунин вазири экология, ҳифзи муҳити зист ва тағйироти иқлим А.Абдуҳакимов мувофиқан барои таъмини иҷрои бечунучаро, босифат ва саривақтии боби мазкур масъул муайян карда шаванд.

3. Ба Вазорати энергетика (Ҷ.Мирзомаҳмудов) якҷо бо Шӯрои Вазирони Ҷумҳурии Қароқалпоқистон, ҳокимияти вилоятҳо ва шаҳри Тошканд супурда шавад, ки дар зарфи як моҳ ба Девони Вазирон:

барномаи гузоштани панелҳои офтобӣ ва гелиоколлекторҳоро дар соли 2025-ум дар қисмати ноҳияҳо ва шаҳрҳо;

барномаи бунёди истгоҳҳои кӯчаки гидроэлектриро дар минтақаҳои ҷумҳурӣ дар тӯли солҳои 2025-2026 пешниҳод намояд.

4. Ба мақсади трансформатсияи корхонаҳои бузург бо иштироки давлат ва то 15-20 фоиз коҳиш додани хароҷоти истеҳсолии онҳо дар пояи раванди «эҳтиёткорӣ ва устуворӣ» то охири соли 2025-ум корҳои зерин таъмин карда шаванд:

аз ҷониби корхонаҳои бузурги стратегӣ коркарди барномаҳои корпоративӣ дар пояи равандҳои идораи экологӣ, иҷтимоӣ ва корпоративӣ (ESG), ҷорӣ намудани амалиёти ташаккул додан ва ба ҷомеа маълум кардани ҳисоботи миллии ESG дар на камтар аз 5 корхонаи бузурги саноатӣ;

ба даст овардани ESG – рейтинги Ҷамъияти саҳҳомии «Ӯзбекнефтегаз», Ҷамъияти саҳҳомии «Комбинати маъданҳои кӯҳии Навоӣ», Ҷамъияти саҳҳомии «Комбинати маъданҳои кӯҳии Олмалиқ», Ҷамъияти саҳҳомии «Uzbekistan Airports», Ҷамъияти саҳҳомии «Uzbekistan Airways»;

ба сифати таҷриба дар вилоятҳои Самарқанд ва Фарғона созмон додани минтақаҳои саноатие, ки ба истеҳсоли маҳсулоти тозаи экологӣ тахассус доранд.

Муовинони Сарвазир Ҷ.Қӯчқоров ва Ҷ.Хоҷаев, ҳамчунин вазири экология, ҳифзи муҳити зист ва тағйироти иқлим А.Абдуҳакимов мувофиқан барои таъмин кардани иҷрои бечунучаро, босифат ва саривақтии боби мазкур масъул муайян карда шаванд.

5. Соли 2025-ум дар самти беҳтар кардани симои экологии маҳаллаҳо, баланд бардоштани дараҷаи кабудизоркунии роҳҳо, ташаккул додани муҳити мусоид ва хуби экологӣ барои зиндагӣ:

ташкил намудани шабакаҳои «Кӯчаҳои соядори саёҳатӣ» аз тариқи нишондани ниҳол ва рустаниҳо дар шафати пайроҳаҳои пиёдагард ва велосипедронҳо, дар минтақаҳои наздисоҳилӣ ва дар соҳили рӯдҳо сохтмони 80 иншооти инфрасохторӣ ва пайроҳаҳои солимгардонӣ барои аҳолӣ дар масофаи зиёда аз 110 километр;

баланд бардоштани дараҷаи кабудизоркунӣ аз ҳисоби истифодаи самарабахши оби борон ва селҳо, ҷорӣ намудани низоми обёрии дарахтон аз тариқи дар маҳаллаҳо истифода бурдани технологияҳои замонавии сарфакунандаи об;

дар доираи лоиҳаи умумимиллии «Макони сабз» ва лоиҳаи «Боғи ман» нишондани 200 миллион ниҳоли дарахтон ва буттаҳо, дар «боғҳои сабз» ва «хиёбонҳои сабзи ҷамоатӣ» истифода бурдани асбобҳои равшаникунӣ, ки аз панелҳои офтобӣ фурӯзон мешаванд;

бунёди 100 ҳазор гектар «майдонҳои сабз» дар қаъри баҳри Арал ва то 2,1 миллион гектар расондани майдони ҷангалзор дар минтақаи Наздиарал;

то 4,1 миллион гектар расондани майдонҳои ҷангалпӯш ва то 14,5 фоиз вусъат додани ҳудудҳои табиии муҳофизатшаванда, ошкор кардан ва истифодаи захираҳои истифоданашуда дар самтҳои зерин, аз ҷумла экотуризм, парваришгоҳи ҷонварон ва парвариши рустаниҳои доруворӣ, ҳамчунин зиёд кардани даромади аҳолӣ;

бунёди боғҳо аз ҳисоби рустаниҳои ба намак ва хушкӣ тобовар (галофитҳо) дар ҳудудҳои интихобшудаи Ҷумҳурии Қароқалпоқистон, вилоятҳои Бухоро, Ҷиззах ва Қашқадарё;

ҷалби маблағи идораҳои байналхалқии молиявӣ дар ҳаҷми на камтар аз 30 миллион доллари ИМА барои ташкил намудани лабораторияҳои давлатии «in-vitro», ҳамчунин ҷудо кардани вомҳо ба субъектҳои соҳибкорӣ барои ташкил намудани лабораторияҳои хусусии «in-vitro» дар Ҷумҳурии Қароқалпоқистон, вилоятҳои Бухоро, Сурхондарё, Ҷиззах, Фарғона ва Тошканд;

ҷорӣ намудани низоми акселератсия бобати дастгирӣ кардани ташаббусҳои ҷамъиятӣ, фаъолони экологӣ ва намояндагони тиҷорат, ки ба ҳифзи табиат нигаронида шудаанд.

Муовини Сарвазир Ҷ.Хоҷаев, вазири экология, ҳифзи муҳити атроф ва тағйироти иқлим А.Абдуҳакимов, вазири хоҷагии қишлоқ И.Абдураҳмонов, муовини аввали вазири иқтисодиёт ва молия И.Норқулов, ҳамчунин Раиси Шӯрои Вазирони Ҷумҳурии Қароқалпоқистон, ҳокимони вилоятҳо ва шаҳри Тошканд мувофиқан барои иҷрои бечунучаро, босифат ва саривақтии боби мазкур масъул дониста шаванд.

6. Дар самти мустаҳкамкунии саломатии аҳолӣ, фароҳам овардани шароит барои ташаккул додани тарзи зисти экологӣ ва татбиқ намудани иқтидори инсонӣ дар соли 2025-ум:

а) дар мамлакат ба роҳ мондани Ҳаракати умумимиллии «Як миллион оилаи сабз», ки ба оммавӣ кардани тарзи ҳаёти «Шаҳрванди фаъоли эколог» нигаронида шудааст, аз тариқи ҷорӣ намудани равандҳои экологӣ дар ҳаёти ҳаррӯзаи аҳолӣ, ҳамчунин ташкил кардани кор бинобар оммавӣ кардани ҳаракати мазкур дар байни шаҳрвандон.

Дар ин маврид инҳо равандҳои асосии ҳаракат муайян карда шаванд:

тарғибу ташвиқи тарзи ҳаёти солим дар байни аҳолӣ, аз ҷумла баланд бардоштани маданияти тиббӣ, ба роҳ мондани таоми серғизо, пиёдагардӣ ва давидани ҳаррӯза;

рағбатноксозии ҳаракат бо «нақлиёти сабз», аз ҷумла бо велосипед;

коҳиш додани истифода аз маҳсулот дар зарфҳои пластикӣ;

пешгирӣ намудан аз истифодаи исрофкоронаи ғизо;

истифодаи сарфакорона аз захираҳои об, газ ва энергияи электр;

ҷорӣ намудани ба навъҳо ҷудокунии партовҳо бинобар хелҳои онҳо;

б) дар зинаи ибтидоии тиб зина ба зина ҷорӣ намудани трансформатсия, ки:

ҷорӣ кардани низоми самарабахши кӯмаки аввалияи тиббиву санитариро дар поликлиникаҳои оилавӣ, нуқтаҳои шифокори оилавӣ ва нуқтаҳои тиббии маҳаллаҳо;

ба роҳ мондани фаъолияти поликлиникаҳои бисёрсоҳаи марказӣ ба сифати поликлиникаҳои маслиҳативу ташхисии беморхонаҳои марказӣ;

ташкил намудани лабораторияҳои марказонидашуда, пурра ба шакли электронӣ гузаронидани навбатпоӣ ба қабули духтур, дар пояи аутсоринг ба сектори хусусӣ додани хидматҳои стоматологӣ бо пурзӯр намудани назорати давлатӣ барои риояи меъёрҳои санитариву гигиенӣ;

баланд бардоштани ихтисоси кормандони тиббӣ, коркарди нишондиҳандаҳои баҳои самарабахши меҳнати кормандони тиббӣ, ҷорӣ кардани иловапулиҳои ҳармоҳа ба музди меҳнати кормандоне, ки ба нишондиҳандаҳои баланди самаранокӣ муваффақ шудаанд;

таҷдид кардани муассисаҳои махсуси тиббии сатҳи вилоятӣ ба клиникаҳои бисёрсоҳаи шакли идораи замонавӣ, таъминоти молиявӣ ва ташкилии онҳо бо фароҳам овардани миқдори зарурии катҳои беморқабулкунӣ;

в) аз соли таҳсили 2025/2026 ба мақсади ба роҳ мондани кор бобати баланд бардоштани иқтидори инсонӣ, фароҳам овардани муҳити мусоиди таълимӣ:

Донишгоҳи Осиёи Марказӣ ба сифати ташкилоти пешбари маълумоти олӣ барои омӯзиши муҳити атроф ва тағйироти иқлим бинобар самтҳои таълим ва ихтисосҳо, аз ҷумла экология, ҳифзи муҳити атроф ва тағйироти иқлим муайян карда шавад;

ҷорӣ намудани амалиёти тайёр кардани кадрҳо бинобар самти таълими «Иқтисодиёти сиркулярӣ» дар Донишгоҳи Осиёи Марказии омӯзиши муҳити атроф ва тағйироти иқлим;

дар Ҷумҳурии Қароқалпоқистон, вилоятҳо ва шаҳри Тошканд созмон додани фаъолияти «техникумҳои сабз», ки ба Донишгоҳи Осиёи Марказӣ оид ба омӯзиши муҳити атроф ва тағйироти иқлим вобаста карда шудаанд;

дар муассисаҳои давлатии таълими олӣ ворид кардани фанҳо оид ба «илмҳои табиӣ», «оид ба самти муҳандисиву техникӣ», «оид ба иқтисодиёт ва молия» ҳамчунин барномаи таълимии «Ҳифзи муҳити атроф ва рушди сабз»;

дар таълими олӣ аз ҳисоби зина ба зина зиёд кардани ҷойҳои грантӣ то 25 ҳазор нафар расондани квотаи супоришоти давлатӣ бинобар илмҳои дақиқ ва табиӣ, самтҳои муҳандисиву техникӣ, соҳаи хидматрасонӣ ва тиб;

аз ҷониби Бунёди «Эл-юрт умиди» ҷудо кардани то 20 квота ба озмуни стипендияҳо барои таҳсил дар пояи барномаҳои таълимӣ оид ба экология, ҳифзи муҳити атроф ва тағйироти иқлим;

зина ба зина ба роҳ мондани фаъолияти на камтар аз як мактаби таълими ҳамагонӣ дар ҳар кадом ноҳия (шаҳр)-и ҷумҳурӣ, ки ба талаботи таълими инклюзивӣ мусоидат намояд;

дар доираи Барномаи «Аз нодорӣ ба фаровонҳолӣ» ба роҳ мондани кор бинобар тайёр кардан ва мувофиқи тартиби муқарраршуда дар пояи грант барои хондан дар муассисаҳои таълими олӣ қабул кардани 3,5 ҳазор ҷавонон аз оилаҳои камтаъмин;

г) дар муҳлати то 1 марти соли 2025-ум таҳияи барнома бинобар пурзӯр кардани тарғибу ташвиқи фоидаи ғизои дуруст, шуғл бо тарбияи ҷисмонӣ ва варзиш дар саломатии инсон;

д) дар муҳлати то 1 августи соли 2025-ум кор карда баромадани Платформаи ягонаи байниидоравии ахбори миллӣ ба мақсади ошкор кардан, баҳо додан, идора кардан ва мониторинги хавф дар соҳаи амнияти хӯрокворӣ.

Вазири нигаҳдории тандурустӣ А.Худаяров, вазири варзиш А.Икромов, вазири шуғл ва коҳиш додани нодорӣ Б.Зоҳидов, вазири таълими олӣ, илм ва инноватсияҳо К.Шарипов, вазири экология, ҳифзи муҳити атроф ва тағйироти иқлим А.Абдуҳакимов, вазири хоҷагии қишлоқ И.Абдурахмонов мувофиқан барои таъмин сохтани иҷрои бечунучаро, босифат ва саривақтии боби мазкур масъул дониста шаванд.

7. Ба идораҳои зерин:

Ба Вазорати нигаҳдории тандурустӣ (А.Худаяров, Э.Одилов) супурда шавад, ки дар зарфи то 1 июли соли 2025-ум лоиҳаи ҳуҷҷати меъёриву ҳуқуқиро бо механизмҳои мушаххас бинобар зина ба зина ҷорӣ намудани низоми қайди давлатии фаъолияти кормандони тиб ва доруворӣ пешниҳод намояд.

Ба Вазорати технологияҳои рақамӣ (Ш.Шерматов) супурда шавад, ки якҷо бо Вазорати нигаҳдории тандурустӣ (А.Худоёров, Э.Одилов) дар муҳлати то 1 ноябри соли 2025-ум амалиёти таъин кардани воситаҳои дорувориро дар пояи низоми «таъиноти электронӣ» дар минтақаҳое, ки механизми суғуртаи тиббӣ татбиқ мешавад, ҷорӣ намояд.

8. Ба Вазорати экология, ҳифзи муҳити атроф ва тағйироти иқлим (А.Абдуҳакимов) ва Вазорати технологияҳои рақамӣ (Ш.Шерматов) супурда шавад, ки дар зарфи то 1 июни соли 2025-ум дар доираи Ҳаракати умумимиллии «Як миллион оилаи сабз» платформаеро ба роҳ гузоранд, ки инҳоро пешбинӣ менамояд:

додани мақоми «Шаҳрванди фаъоли экология» ба шахсоне, ки ҳангоми дар ҳаёти ҳамарӯзаи худ ҷорӣ намудани равандҳои экологӣ ба нишондиҳандаҳои баланд муваффақ шудаанд, ҳамчунин барои гирифтани хидматҳои давлатӣ пешниҳоди гузашти 10-фоиза, инчунин гузашт барои вомҳои истеъмолӣ дар бонкҳо бо саҳми давлатии беш аз 50 фоиз;

додани мақоми «оилаи сабз» ва аз тариқи озмуни рӯшод пешниҳод намудани 14 электромобил ба оилаҳое, ки тамоми аъзои калонсоли он сазовори мақоми «Шаҳрванди фаъоли экология» шудаанд;

баргузор кардани озмунҳои «Маҳаллаи тозатарин» ва «Маҳаллаи сабзтарин» дар маҳаллаҳое, ки ними аҳолии онҳо сазовори мақоми «оилаи сабз» шудаанд, ҳамчунин ба бунёди маҳаллаи ғолиб гузаронидани 500 миллион сӯм барои бо маблағ таъмин кардани чорабиниҳои оид ба минбаъд беҳтар намудани инфрасохтори дохилии маҳаллаҳо, аз ҷумла таъмири роҳҳо, гузоштани асбобҳои каммасрафи равшаникунӣ, бунёди майдончаҳои бачагона, бунёди «боғҳои сабз», гузоштани ҷойҳои нишаст, сохтмони майдончаҳои партовҳо, гузоштани зарфҳо ва контейнерҳо барои партов бо назардошти пешниҳоди аҳолии маҳаллаҳо.

Вазири экология, ҳифзи муҳити атроф ва тағйироти иқлим А.Абдуҳакимов, вазири технологияҳои рақамӣ Ш.Шерматов, ҳамчунин раиси Шӯрои Вазирони Ҷумҳурии Қароқалпоқистон, ҳокимони вилоятҳо ва шаҳри Тошканд мувофиқан барои иҷрои бечунучаро, босифат ва саривақтии боби мазкур масъул дониста шаванд.

9. Ба мақсади минбаъд вусъат додани имконияти аҳолӣ, бахусус куҳансолон барои истифодаи воситаҳои санитариву гигиенӣ аз 1 майи соли 2025-ум бо дар байни аҳолӣ васеъ равшан кардан барномаи «Дастони пок» татбиқ карда шавад, ки инҳоро дар назар дорад:

а) дар тамоми муассисаҳои нигаҳдории тандурустӣ ва таълимӣ:

бо воситаҳои санитариву гигиенӣ таъмин кардани ҷойҳо барои дастшӯӣ;

беҳтар намудани ҳолати техникии манзилҳои санитариву гигиенӣ ва дар қисмати дохилии бинои муассисаи навсохташуда ҷогузин кардани онҳо;

таҳияи нақша дар давоми сол, дар навбати аввал, барои хариди воситаҳои шустани дастҳо ва маводи антисептикӣ;

б) ҷорӣ намудани ӯҳдадории таъмин намудани тамоми ҷойҳои санитарӣ-гигиенӣ ва ташкилотҳои хӯроки ҷамъиятӣ бо воситаҳои санитарӣ-гигиенӣ.

Вазорати иқтисод ва молия (И.Норқулов) ҳангоми зарурат ба ташкилотҳои буҷетӣ дар тӯли соли 2025 барои чорабиниҳои дар ҳамин банд пешбинишуда, дар асоси ҳисоботи асосноки идоракунандагони маблағҳои буҷетии сатҳи аввал маблағҳои иловагӣ ҷудо намояд.

Кумитаи некӯаҳволии санитарӣ-эпидемиологӣ ва тандурустии ҷамъиятӣ (Б.Юсупалиев) дар муҳлати як моҳ меъёрҳои ҷудо намудани маблағҳоро барои нигоҳдории ҳолати санитарӣ-гигиенӣ дар муассисаҳои дар ҳамин банд пешбинишуда бозбинӣ намуда, назорати қатъии иҷрои воқеии онҳоро таъмин намояд.

10. Вазорати тандурустӣ (А. Худаяров), Вазорати иқтисод ва молия (О. Фозилкаримов), Вазорати таълими томактабӣ ва мактабӣ (Х. Умарова) дар ҳамкорӣ бо Вазорати сохтмон ва хоҷагии манзилию коммуналӣ (Ш. Хидоятов) то 1 августи соли 2025 бо ҷалби коршиносони байналмилалии Созмони умумиҷаҳонии тандурустӣ ва Созмони Милали Муттаҳид Барномаи беҳтар намудани низоми санитарӣ-гигиениро дар тамоми муассисаҳои соҳаи иҷтимоии ҷумҳурӣ, аз ҷумла нуқтаҳои хӯроки ҷамъиятӣ ва ҷойҳои санитарӣ-гигиении канори роҳҳои байнивилоятиву автомобилӣ, ба Девони Вазирон пешниҳод намоянд.

11. Бо мақсади тақвият бахшидани низоми назорати сифат ва бехатарии маҳсулоти озуқаворӣ ва таҳияи қоидаҳои санитарӣ, ки ба мутобиқсозии меъёрҳои соҳа ба стандартҳои баланд равона шудаанд:

то 1 июли соли 2025 барои таъмин намудани лабораторияҳои Кумитаи некӯаҳволии санитарӣ-эпидемиологӣ ва тандурустии ҷамъиятӣ бо таҷҳизоти зарурӣ барои муайян кардани миқдори равғанҳои транс дар таркиби маҳсулоти озуқаворӣ чораҳо андешида шаванд;

то 1 августи соли 2025 қоидаҳо ва меъёрҳои санитарӣ, ки ҳаҷми ниҳоии истифодаи равғанҳои трансро дар истеҳсоли маҳсулоти озуқаворӣ муайян менамоянд, ба талаботи Созмони умумиҷаҳонии савдо мутобиқ гардонда, барои риояи онҳо назорати қатъӣ ҷорӣ карда шавад.

Вазири тандурустӣ А. Худаяров масъули таъмини иҷрои бечуну чаро, босифат ва саривақтии ин банд муайян карда шавад.

12. Дар бобати таъмин намудани муносибати эҳтиёткорона ва истифодаи оқилонаи захираҳои табиӣ, инчунин таъмини устувории экологӣ дар соли 2025 тавассути:

ноил шудан ба сарфаи иловагии солонаи 2,5 миллиард метри мукааб об аз ҳисоби бетонпӯш кардани 1 ҳазор километр каналҳо, инчунин фаро гирифтани 1,6 миллион гектар бо технологияҳои сарфаи об;

кам кардани истеъмоли неруи барқ дар стансияҳои насосӣ то 300 миллион кВт бо роҳи иваз кардани насосҳо ва муҳаррикҳои кӯҳнашуда ба таҷҳизоти муосири сарфакунандаи неру, инчунин такмили ҳисоби захираҳои об дар стансияҳои насосӣ;

беҳтар намудани таъминоти об барои 390 ҳазор гектар заминҳои кишоварзӣ тавассути сохтмон ва бозсозии иншооти низомҳои обёрӣ ва мелиоратсионӣ;

ҷорӣ намудани низоми ягонаи онлайнии ҳисоби об дар каналҳои асосӣ ва иншооти калидии обӣ бо мақсади таъмини ҳисоботи дақиқ ва пурра аз истифодаи захираҳои обӣ;

сохтмон ва бозсозии шабакаҳои таъминоти оби нӯшокӣ ва канализатсия бо дарозии 1,8 ҳазор километр, инчунин 77 иншооти таъминоти оби нӯшокӣ ва канализатсия;

иваз кардани 746 адад дастгоҳи кӯҳнашудаи насосии низоми таъминоти оби нӯшокӣ бо таҷҳизоти сарфакунандаи неру, насби панелҳои офтобӣ бо иқтидори 65,2 мегаватт дар минтақаҳо, инчунин насби 955 адад дастгоҳи муосири ҳисобкунии об дар иншооти обӣ ва шабакаҳои лӯлаҳои обрасонии магистралӣ;

мониторинги сифати об ва таъсиси марказҳои идоракунии маълумот дар ҳамаи корхонаҳои таъминоти оби нӯшокӣ;

тақвияти назорат аз болои партофтани моддаҳои гуногуни ифлоскунанда ба дарёҳо, кӯлҳо ва каналҳо.

Вазири хоҷагии об Ш. Ҳамроев, вазири сохтмон ва хоҷагии манзилию коммуналӣ Ш. Хидоятов, вазири энергетика ҷ. Мирзамаҳмудов, вазири экология, ҳифзи муҳити зист ва тағйирёбии иқлим А. Абдуҳакимов мутаносибан масъули таъмини иҷрои қатъӣ, босифат ва саривақтии ин банд муайян карда шаванд.

13. Бо дарназардошти пешниҳодҳои ҷомеаи васеъ, экофаъолони байналмилалӣ ва дохилӣ, Ҳизби экологии Ӯзбекистон, Вазорати экология, ҳифзи муҳити зист ва тағйирёбии иқлим:

а) татбиқи лоиҳаҳои нави зерин дар шаҳрҳои Тошканд ва Нуқус, инчунин марказҳои вилоятҳо аз 1 майи соли 2025 аз рӯи самтҳои зерин манъ карда шаванд:

истеҳсоли асбест ва семент, шлам ва шлакҳо;

корхонаҳои коркарди пӯст, паррандапарварӣ;

сӯзондани ҳар гуна ангишт бе муҷаҳҳазгардонӣ бо таҷҳизоти самараноки ҷамъоварии чанг ва иншоотҳои газтозакунӣ;

заводҳои металлургияи сиёҳ ва ранга, истеҳсоли шиша, ки дар таркибашон иловагиҳои заҳрнок ва моддаҳои кимиёвии заҳролуд доранд;

корхонаҳои коркард ва сӯзондани партовҳое, ки ба дараҷаҳои хатарноки I ва II мансубанд.

б) сафарбарсозии тамоми қувва ва воситаҳо барои таъмини иҷрои вазифаҳои зерин то охири соли 2025:

маҳдуд кардани истифода ва фурӯши сӯзишвории автомобилии навъи АИ-80 бо таъмини аҳолӣ бо сӯзишвории босифат, аз лиҳози экологӣ тоза ва арзон;

манъи пурраи истифодаи мазут ҳамчун сӯзишворӣ дар корхонаҳои истеҳсоли энергияи гармӣ ва барқ дар тамоми минтақаҳои ҷумҳурӣ, ба истиснои ҳолатҳои истифодаи мазут ҳамчун сӯзишвории эҳтиётӣ бо огоҳсозии Вазорати экология, ҳифзи муҳити зист ва тағйирёбии иқлим ва бо мувофиқаи Девони Вазирон.

в) Вазорати экология, ҳифзи муҳити зист ва тағйирёбии иқлим то 1 ноябри соли 2025 тарҳи қонунеро таҳия намояд, ки ҷорӣ намудани механизмҳои зеринро барои коҳиши партовҳои пластикӣ пешбинӣ мекунад:

ташкили низоми ҷамъоварӣ ва утилизатсияи чунин партовҳо тавассути таъсиси нуқтаҳои махсуси қабули партовҳои пластикӣ ва насби таҷҳизоти махсус ё ҷорӣ намудани пардохти ҳаққи коркарди партовҳо;

ворид намудани ӯҳдадориҳо барои истеҳсолкунандагони бастаҳои пластикӣ ва молҳо дар бастаҳои пластикӣ, инчунин воридкунандагони онҳо, аз ҷумла механизми «бозгардондани зарфҳо» ва фароҳам овардани имкониятҳо барои шаҳрвандон барои гирифтани маблағ барои ҳар зарфи пластикӣ, ки тавассути таҷҳизоти махсуси қабули партовҳо супорида мешавад.

Вазорати экология, ҳифзи муҳити зист ва тағйирёбии иқлим (А. Абдуҳакимов) дар ҳамкорӣ бо Вазорати иқтисод ва молия (И. Норкулов), Вазорати энергетика (Ҷ. Мирзамаҳмудов), Вазорати сармоягузорӣ, саноат ва савдо (Л. Қудратов) ва хокимиятҳои маҳаллӣ то 1 октябри соли 2025 ба Девони Вазирон пешниҳодҳои асоснокро оид ба аз шаҳрҳои Тошканд ва Нуқус кӯчонидан ва навсозии тадриҷии корхонаҳои дар самтҳои дар зербанди «а» зикршуда амалкунанда, инчунин корхонаҳое, ки сатҳи баланди истеъмоли энергия доранд, тақдим намоянд.

14. Бо мақсади маҳдуд кардани таъсири манфии фаъолияти истеҳсолӣ ва шаҳрсозӣ, хидматрасонӣ ба муҳити зист бо истифода аз дастовардҳои илм ва технологияҳои муосир:

аз 1 августи соли 2025 тартиби қабули меъёрҳо ва қоидаҳои экологӣ, ки ҳамчун санадҳои танзими техникӣ амал мекунанд, ҷорӣ карда шавад;

аз 1 октябри соли 2025 дар бахши энергетика, истеҳсоли масолеҳи сохтмонӣ ва саноати кимиё ба ҷои усули инфиродӣ, усули соҳавии муайян кардани меъёрҳои экологӣ татбиқ карда шавад;

аз 1 январи соли 2026 мақомоти иҷроияи ҳокимияти давлатӣ ва корхонаҳое, ки саҳми давлат дар онҳо зиёда аз 50 фоизро ташкил медиҳад, уҳдадор карда шаванд, ки стандартҳои ошкоро нашр кардани маълумотро дар соҳаи рушди устувори Шӯрои стандартҳои байналмилалии рушди устувор (ISSB) ба фаъолияти худ ворид намоянд.

Вазорати экология, ҳифзи муҳити зист ва тағйирёбии иқлим (А. Абдуҳакимов) бо ҷалби коршиносони пешбари байналмилалӣ ва дохилӣ бояд дар муҳлати се моҳ ба Девони Вазирон барномаи таҳияи меъёрҳо ва қоидаҳои экологиро пешниҳод намояд, ки ҳадафи он коҳиш додани сатҳи ифлосшавии ҳаво, замин, обҳои зеризаминӣ ва захираҳои обӣ мебошад.

Муовинони Сарвазир Ҷ. Кӯчқоров ва Ҷ. Хоҷаев бояд маблағгузории Бунёди экологияро дар ҳаҷми 25 миллиард сӯм аз ҳисоби муассисаҳои байналмилалии молиявӣ ва буҷаи давлатӣ ҷиҳати дастгирии стартап-лоиҳаҳо оид ба татбиқи чорабиниҳо, ки ба ҳифзи муҳити зист, махсусан мубориза бо биёбоншавӣ, сабуксозии оқибатҳои тағйирёбии иқлим ва истифодаи самараноки захираҳои обӣ нигаронда шудаанд, таъмин намоянд.

15. Бо дарназардошти пешниҳодҳои ҷомеаи васеъ, фаъолони экологии байналмилалӣ ва дохилӣ, ҷомеаи илмӣ дар соҳаи экология, инчунин бо мақсади ҳифзи қабати ҳосилхези хок ва нигоҳдории минтақаҳои сабз:

аз 1 июли соли 2025 барои бетоникунии ғайриқонунӣ, сохтмони биноҳо ва насби иншоот дар ҳудудҳои маҳаллаҳои биноҳои баландошёна, ки бо хок ва гиёҳҳои сабз пӯшонида шудаанд, ҷавобгарӣ пурзӯр карда мешавад;

аз 1 августи соли 2025 ташкилотҳои сохтмонӣ, ки истеҳсоли хишти пухтаро қатъ намуда, ба истеҳсоли масолеҳи деворӣ (пеноблокҳо, газоблокҳо) гузаштаанд, дар платформаи «Шаффофқурилиш» ба мақсади ҳавасмандгардонии гузариш ба истифодаи васеи технологияҳои муқобил афзалият дода мешавад;

аз 1 январи соли 2026 ҳангоми истеҳсоли хишти пухта ва хоми сохтмонӣ, андоз барои истифодаи қаъри замин нисбат ба меъёри соли 2025 ду баробар зиёд карда, аз соли 2027 минбаъд тадриҷан афзоиш дода мешавад;

аз 1 январи соли 2027 фаъолияти конҳои қуми дар заминҳои кишоварзӣ, таъиноти ҳифзи табиат, солимгардонӣ, фароғатӣ, таърихию фарҳангӣ, ҷангал ва захираҳои обӣ манъ карда мешавад, то захираҳои замин ҳифз гардида, қабати ҳосилхез нигоҳ дошта шавад;

ҳангоми тарҳрезӣ, сохтмон ва ба истифода супоридани биноҳои баландошёна насби низоми истифодаи оби партов, боронӣ ва техникии обёрӣ ҳатмӣ мегардад.

16. Ба Вазорати сармоягузорӣ, саноат ва савдо (Л. Қудратов), Вазорати энергетика (ҷ. Мирзамаҳмудов), Вазорати иқтисодиёт ва молия (И. Норкулов), Вазорати сохтмон ва хоҷагии манзилию коммуналӣ (Ш. Хидоятов), Агентии танзими техникии Ӯзбекистон (А. Ҷуманазаров), Палатаи савдо ва саноат (Д. Ваҳобов) супориш дода шавад, ки дар муҳлати ду моҳ ба Девони Вазирон барномаеро оид ба афзоиши ҳаҷми истеҳсол ва истифодаи васеи масолеҳи сарфакунандаи энергия дар кишвар пешниҳод намоянд.

17. Дар самти ҳифз, барқарорсозӣ ва расонидани олами наботот ва ҳайвонот ба наслҳои оянда аз 1 сентябри соли 2025 тартиби додани квотаҳои барои ҷамъоварӣ ва захира намудани рустаниҳои худрӯй тасдиқшуда ва иҷозатномаҳо барои истифодаи махсуси объектҳои наботот тавассути музоядаи электронӣ ҷорӣ карда шавад. Дар ин раванд:

квотаҳо аз ҷониби Академияи илмҳо бо назардошти захираҳои ҳарсолаи рустаниҳо муайян карда мешаванд;

квотаҳо ва иҷозатномаҳо аз ҷониби Вазорати экология, ҳифзи муҳити зист ва тағйирёбии иқлим тасдиқ ва ба музояда гузошта мешаванд.

Вазири экология, ҳифзи муҳити зист ва тағйирёбии иқлим А. Абдуҳакимов масъули таъмини иҷрои босифат ва саривақтии ин банд муайян карда шавад.

18. Бо мақсади ҳавасмандгардонии амали корхонаҳое, ки ба категорияи I ва II вобаста ба таъсир ба муҳити зист мансубанд, барои гузариш ба истеҳсолоти экологӣ аз 1 августи соли 2025 тартиби зерин ҷорӣ карда шавад:

а) дар марҳилаи аввал – барои корхонаҳое, ки истгоҳҳои мониторинги пасзаминавии ифлосшавии ҳавои атмосфераро насб кардаанд:

даст кашидан аз қарзҳое, ки аз пардохтҳои ҷубронӣ барои зарари ба табиат расонидашуда ба вуҷуд омадаанд;

дар тӯли ду сол баргардонидани то 50 фоизи пардохтҳои ҷубронӣ барои зарари ба табиат расонидашуда, ки ба буҷаи ҷумҳуриявӣ равона карда мешаванд.

б) дар марҳилаи дуюм – барои корхонаҳое, ки истгоҳҳои мониторингро насб карда, дар давоми як соли оянда таҷҳизоти ҷамъоварии чангу газ ва обтозакунии маҳаллиро насб менамоянд, дар тӯли ду сол то 70 фоиз баргардондани пардохтҳои ҷубронӣ барои зарари ба табиат расонидашуда, ки ба буҷаи ҷумҳуриявӣ равона карда мешаванд.

Дар ин ҳолат, имтиёзҳои пешбининамудаи ин банд дар асоси хулосае дода мешаванд, ки аз ҷониби Вазорати экология, ҳифзи муҳити зист ва тағйирёбии иқлим тавассути марказҳои хизматрасонии давлатӣ ё Портали ягонаи интерактивии хизматрасониҳои давлатӣ пешниҳод мегардад.

в) ба Вазорати экология, ҳифзи муҳити зист ва тағйирёбии иқлим супориш дода мешавад, ки то 1 ноябри соли 2025 лоиҳаи қонунро оид ба ҷорӣ намудани низоми ҳатмии суғуртаи зарари экологие, ки аз ҷониби корхонаҳо ва ташкилотҳои фаъолияти хоҷагидорӣ расонида мешавад, таҳия намояд.

Ба Сарвазири Ҷумҳурии Ӯзбекистон А. Арипов супурда шавад, ки дар муҳлати ду моҳ барномаеро оид ба пешгирии ифлосшавии ҳавои атмосфера дар ҷумҳурӣ тасдиқ намояд, аз ҷумла насби марҳилавии таҷҳизоти тозакунии чангу газ ва тозакунии маҳаллии обро дар корхонаҳои саноатӣ ва гармхонаҳо пешбинӣ намуда, аз болои иҷрои он назорати қатъӣ муқаррар намояд.

19. Аз 1 сентябри соли 2025 платформаи додани мақоми «соҳибкори сабз» ба субъектҳои соҳибкорӣ ба роҳ монда шавад, ки инҳоро пешбинӣ менамояд:

а) додани мақоми «соҳибкори сабз» ба субъектҳои соҳибкорие, ки нишондиҳандаҳоро дар самтҳои зерин иҷро намудаанд:

кабудизоркунӣ, аз ҷумла ташкили «камарбанди сабз» дар атрофи корхонаҳо, насби системаҳои обёрӣ, ҷорӣ намудани усулҳои обёрии қатрагӣ, боронӣ ва контейнерӣ (халтагӣ);

таъмини сарфаи энергия, аз ҷумла ҷорӣ намудани таҷҳизот ва технологияҳои каммасрафи энергетикӣ;

кам кардани таъсири корхонаҳо ба муҳити зист, аз ҷумла, пешгирии ҳуқуқвайронкунии экологӣ, ҷорӣ намудани низоми мониторинги онлайни партобҳо ба атмосфера;

татбиқи тамоюли роҳандозии иқтисодиёти сиркулярӣ («7R») дар истеҳсолот;

б) барои соҳибкороне, ки мақоми «тадбиркори сабз»-ро гирифтаанд, истифодаи чораҳои зерини дастгирӣ:

афзалият додан ба платформаи «Сохтмони шаффоф»;

ба муҳлати муайян озод кардан аз санҷишҳои экологӣ;

дастгирии ворид шудан ба бозорҳои байналмилалӣ;

пешниҳоди холҳои иловагӣ дар доираи рейтинги устувории субъектҳои соҳибкорӣ.

20. Бо мақсади ҳавасмандгардонии истифодаи васеъ аз манбаъҳои барқароршавандаи энергия аз ҷониби аҳолӣ ва субъектҳои соҳибкорӣ аз 1 апрели соли 2025 барои неруи барқ, ки аз ҳисоби утилизатсияи партовҳо ва манбаъҳои шамолу офтоб истеҳсол мешавад, «тарифҳои сабз» ҷорӣ карда шаванд. Дар ин маврид:

барои неруи барқе, ки аз ҷониби субъектҳои соҳибкорӣ тавассути истифодаи партовҳо ва биогаз истеҳсол шудаанд, инчунин, ба ташкилотҳое, ки аз дастгоҳҳои барқии шамол ва офтобии дар ҳудуди корхона насбшуда тавлид мешавад;

барои неруи барқ, ки аҳолӣ аз офтоб ҳосил карда, қисми аз эҳтиёҷот барзиёдашро ба давлат мефурӯшад, тарифҳои имтиёзнок муқаррар карда мешаванд.

21. Оид ба маблағгузории устувори лоиҳаҳое, ки ба декарбонизатсияи иқтисодиёт ва мутобиқшавӣ ба тағйирёбии иқлим нигаронида шудаанд:

а) то 1 декабри соли 2025 аз рӯйи ташаккули низоми «маблағгузории сабз» дар Ҷумҳурии Ӯзбекистон барномаи миллӣ таҳия карда шавад;

б) аз соли 2025 ҷиҳати ҷалби кредит ва грантҳои имтиёзнок барои дастгирии лоиҳаҳои рушди сабз ва камкарбон аз манбаъҳои зерин чораҳо андешида шаванд:

аз Бонки аврупоии таҷдид ва рушд – марҳила ба марҳила то 200 миллион евро;

аз Бонки ҷаҳонӣ –барои кам кардани эмиссияии метан дар бахши энергетика 10 миллион доллари амрикоӣ;

тавассути Институти глобалии рушди сабз дар доираи кумаки техникии Агентии ҳамкории байналмилалии Корея – барои таҳкими «ҳамкории сабз» миёни Ӯзбекистон ва Корея 6,5 миллион доллари амрикоӣ;

дар доираи лоиҳаи «iCRAFT»-и Бонки ҷаҳонӣ – аз ҳисоби фурӯши 500 ҳазор тонна газҳои ихтисоршудаи гармхонаҳо 7,5 миллион доллари амрикоӣ;

аз Ҷамъияти ҳамкории байналмилалии Олмон барои «сабз» кардани саноат ва кам кардани газҳои зарароваре, ки аз корхонаҳои истеҳсоли кислотаи азотӣ ба атмосфера мебароянд, 20 миллион евро;

в) то сентябри соли 2025 тартиби арзёбии лоиҳаҳои миллии «иқтисодиёти сабз», ки ба таъмини шаффофият дар татбиқи лоиҳаҳои «иқтисоди сабз» нигаронида шудаанд, татбиқ карда шавад;

г) то ноябри соли 2025 тавассути ворид намудани лоиҳаҳои нав дар асоси шарикии давлат ва бахши хусусӣ ба маблағи зиёда аз 10 миллион доллари амрикоӣ дар платформаи байналмилалии «Source», амалияи арзёбии «компонентҳои сабз»-и лоиҳаҳо ва мутобиқати онҳо ба мақсадҳои рушди устувор роҳандозӣ шавад;

д) бо кумаки техникии Иттиҳоди Аврупо таҳияи нақшаи ҳаракатҳо оид ба рушди камкарбон дар шаҳрҳои Бухоро, Намангон, Нуқус, Урганч ва ноҳияи Ғузор, инчунин, афзунсозии самаранокии барқ дар 10 объекти иҷтимоӣ таъмин карда шавад.

Барои таъмини иҷрои бечунучаро, сифатнок ва саривақтии банди мазкур муовини Сарвазир Ҷ.Қӯчқоров масъул таъин карда шавад.

22. Муқаррар карда шавад, ки дар соли 2025 дар робита ба минтақаҳое, ки барқарории экологӣ ва ҳамоҳангсозии байнисоҳавиро таъмин мекунанд:

аз соли 2025 дар 15 фоизи барномаҳои сармоягузорӣ, лоиҳаҳои нав, ки оид ба рушди шабака, соҳа ва минтақаҳо ташаккул меёбанд, аз соли 2027 дар 30 фоиз ва аз соли 2030 дар 55 фоизи онҳо бояд «компонентҳои сабз» ҷой дошта бошанд;

«Барномаҳои сабз»-е, ки аз ҷониби мақомот ва ташкилотҳои давлатӣ, инчунин мақомоти ҳокимияти маҳаллии давлатӣ барои ноил шудан ба бетарафии карбон, мутобиқшавӣ ба тағйирёбии иқлим, ҳифзи муҳити зист, афзунсозии сатҳи кабудизоркунӣ ва татбиқи «лоиҳаҳои сабз» таҳия шудаанд, дар асоси мувофиқа бо Вазорати экология, ҳифзи муҳити зист ва тағйирёбии иқлим тасдиқ карда мешаванд;

ҳамасола рейтинги экологии мақомоти давлатӣ ва объектҳои иҷтимоӣ аз рӯйи кам кардани таъсири манфӣ ба муҳити зист, истифодаи оқилонаи захираҳо ва ҷорӣ намудани «технологияҳои сабз» тартиб дода мешавад.

23. Бо мақсади ташкили босамари корҳо бобати ҳифзи муҳити зист дар минтақаҳо, такмил додани фаъолияти мақомоти ҳудудии давлатӣ ва ташкилотҳо дар ин самт:

ба раиси Шӯрои Вазирони Ҷумҳурии Қароқалпоқистон, ҳокимони вилоятҳо ва шаҳри Тошканд дар асоси мувофиқа бо Вазорати экология, ҳифзи муҳити зист ва тағйирёбии иқлим аз ҳисоби маблағҳои грантии институтҳои молиявии байналмилалӣ мушовир (консултант)-ҳо оид ба масъалаҳои экология ва «рушди сабз» ҷалб карда шаванд;

аз 1 сентябри соли 2025 амалиёти таҳияи шиносномаҳои экологӣ ва нақшаҳои мастерии экологӣ дар сатҳи ноҳия (шаҳар), инчунин рейтингҳои экологии минтақаҳо ва тақдими онҳо ба намояндагони ҷамъиятӣ роҳандозӣ шавад.

Барои ҳамоҳангсозии фаъолияти мушовирони ҷалбшуда Вазири экология, ҳифзи муҳити зист ва тағйирёбии иқлим А.Абдуҳакимов масъул таъин карда шавад.

24. Зеринҳо:

а) Иттиҳоди маҳаллаҳои Ӯзбекистон (Қ. Қуронбоев) инҳоро таъмин намоянд:

дар муҳлати як ҳафта дар қиёси ноҳия ва шаҳрҳо пешниҳоди барномаи шинонидани ниҳоли дарахтонро дар маҳаллаҳо, инчунин коштани гул ва қаламчаҳои онҳоро дар хонадону кӯчаҳо дар доираи лоиҳаи умумимиллии «Макони сабз» дар соли 2025 ба Девони Вазирон;

дар баҳору тирамоҳи соли 2025 дар кӯчаҳои дохилӣ ва хонадонҳои тамоми маҳаллаҳои ҷумҳурӣ шинонидан ва парвариш кардани 32 миллион бех дарахтони мевадиҳанда ва ороишӣ, буттаҳо, инчунин, райҳон, гултоҷ, садбарг ва дигар гулҳо, қаламчаҳои онҳо;

бо мақсади татбиқи меъёрҳои «Хонадони обод», «Кӯчаи обод» ва «Маҳаллаи обод», аз 10 феврал то 10 марти соли 2025 ташкили босамари корҳои ободонӣ ва сабзазоркуниро дар ҳар як хонадон, кӯча ва қабристонҳо;

якҷоя бо Шӯрои Вазирони Ҷумҳурии Қароқалпоқистон, ҳокимиятҳои вилоятҳо ва шаҳри Тошканд то фарорасии ҷашни Наврӯз дар байни маҳаллаҳо гузаронидани озмун-азназаргузарониҳои «Хонадони обод», «Кӯчаи обод» ва «Маҳаллаи обод».

Аз ҳисоби маблағҳои Фонди ҳалли мушкилоти иҷтимоию иқтисодии маҳалла, сарпараст ва хайрия амалӣ кардани чорабиниҳои дар ин банд пешбинишуда муқаррар карда шавад;

б) Сарпрокуратура (Ш. Тохтабоев) якҷо бо Иттиҳоди маҳаллаҳои Ӯзбекистон (Қ. Қуронбоев) назорати қатъиро аз болои сари вақт ва босифат иҷро шудани тадбирҳои дар банди мазкур пешбинишуда тавассути боздид аз маҳалҳо таъмин намоянд.

25. Аз 1 сентябри соли 2025 ҳангоми тасдиқ ва ё аз вазифа озод кардани Раиси Шӯрои Вазирони Ҷумҳурии Қароқалпоқистон, ҳокимони вилоятҳо ва ноҳия(шаҳр)-ҳо аз рӯйи муайян кардани нишондиҳандаҳои зерини экологӣ аудити экологӣ гузаронида шавад:

сатҳи бо сабза ва ҷангал фарошудаи ҳудуд ва майдони ҷангалҳову минтақаҳои табиии ҳифзшаванда;

шумораи дарахтони минтақа;

сатҳи бо камарбандҳои сабз иҳота гардидани шаҳрҳо ва корхонаҳои бузурги саноатӣ;

вазъи қуму шағали ҳавзаҳо ва соҳилҳои дарё;

миқдори партобҳо ба атмосфера ва сатҳи нотозагии ҳаво;

вазъи насби стансияҳои мониторинги пасманзари нотозагии ҳавои атмосфера дар корхонаҳое, ки аз рӯйи таъсир ба муҳити зист ба тоифаҳои I ва II мансубанд, гузошта шудани дастгоҳҳои тозакунандаи чангу газ ва об;

доираи фарогирии аҳолӣ бо хидмати партобкашонӣ, вазъ ва сатҳи сифати хидматрасонӣ дар шохобчаҳои ҷамъоварии партов ва таъмини онҳо бо контейнерҳо;

26. Вазорати экология, ҳифзи муҳити зист ва тағйирёбии иқлим (А.Абдуҳакимов) дар муҳлати як моҳ лоиҳаи санади меъёрӣ-ҳуқуқиро дар бораи такмили тартиби татбиқи назорат ва санҷиши давлатии экологӣ, комилан беҳтар кардани самаранокии фаъолияти Нозироти давлатии назорати экологӣ, таъмин кардани кормандони он бо техника ва нақлиёти махсус ба Девони Вазирон пешниҳод намояд.

27. Бо мақсади минбаъд пурзӯр намудани назорати парламентӣ ҷиҳати истифодаи самаранок ва оқилонаи маблағҳои буҷети давлатӣ амалияи пешниҳоди ҳамаи ҳисоботҳои Ҳукумат оид ба Буҷети давлатӣ ба Палатаи қонунгузорӣ якҷоя бо хулосаи аудити берунии Палатаи ҳисоб ба роҳ монда шавад.

28. Муовини Сарвазир Ҷ.Хоҷаев, Вазири экология, ҳифзи муҳити зист ва тағйирёбии иқлим А.Абдуҳакимов, муовини якуми Вазири иқтисод ва молия И.Норқулов ҷиҳати ҷалби 500 миллион доллари амрикоӣ сармояҳо барои бунёди маҷмааҳои сайёҳӣ иборат аз хонаҳои «апарт-отел», «капсула» ва дигар манзилҳои истиқоматии монанди онҳо дар минтақаҳои кӯҳӣ, обанбор, ҳавз ва соҳилҳои дарё, ки иқтидори хуби сайёҳӣ доранд, тадбирҳо андешанд.

29. Бо мақсади истифодаи самараноки заминҳои кишоварзӣ ва таъмини аҳолӣ бо даромади доимӣ:

то 1 марти соли 2025 ба тариқи озмоишӣ қитъаҳои замини интихобшуда, бидуни вайрон кардани якпорчагии контурҳо ва системаи обёрӣ, дар ҳаҷми аз 3 то 50 гектар дар асоси низоми нав, ки ба озодии иҷоракорон ва парвариши зироатҳои дорои арзиши баланди иловагӣ асос ёфтааст, бояд тавассути музояда ҷудо карда шаванд;

бо мақсади гузаронидани таҳлилҳои агрохимиявии хок хариди 10-то лабораторияи портатив-мобилӣ таъмин карда шавад;

майдони заминҳое, ки маҳсулоти органикии кишоварзӣ парвариш карда мешавад, ба 10 ҳазор гектар расонида шавад.

Вазири кишоварзӣ И.Абдураҳмонов барои таъмини иҷрои банди мазкур масъул таъин гардад.

30. Вазири технологияҳои рақамӣ (Ш.Шерматов) якҷоя бо Вазири адлия (А.Ташкулов) аз 1 октябри соли 2025 дар хидматрасониҳои давлатӣ пурра ба шакли электронӣ гузаронидани гардиши ҳуҷҷатҳоро, ки дар шакли коғаз ҳастанд, таъмин намоянд.

31. Дар доираи Барномаи давлатӣ оид ба татбиқи Стратегияи Ӯзбекистон-2030 дар «Соли ҳифзи муҳити зист ва «иқтисодиёти сабз» (минбаъд – Барномаи давлатӣ) зеринҳо мувофиқи замимаҳои 1-21 тасдиқ карда шаванд):

Нақшаи чорабиниҳои амалии барои соли 2025 пешбинишуда;

Рӯйхати лоиҳаҳои санадҳои меъёрӣ-ҳуқуқӣ, ки дар соли 2025 таҳия мегарданд;

Нишондиҳандаҳои мақсадноки барои соли 2025 пешбинишуда;

Нақшаи чорабиниҳо, ки дар соли 2025 дар самти ҳифзи муҳити зист бояд аз ҷониби вазорат ва идораҳо дар навбати аввал амалӣ шаванд;

Нақшаи татбиқи чорабиниҳо дар соҳаи ҳамкории байналмилалӣ оид ба ҳифзи муҳити зист дар соли 2025;

Нақшаи чорабиниҳои татбиқи барномаи «Туризми сабз» дар Ҷумҳурии Ӯзбекистон;

Нақшаи ҷорӣ намудани манбаъҳои барқароршавандаи энергия дар минтақаҳо дар соли 2025;

Нақшаи шинондани дарахтон дар маҳаллаҳо дар фасли баҳор ва тирамоҳи соли 2025 дар доираи лоиҳаи умумимиллии «Макони сабз»;

Нақшаи шинондани гул ва қаламчаҳо дар хонадон ва кӯчаҳои дохилии маҳаллаҳо дар мавсими баҳори соли 2025.

32. Сарпрокуратура (Ш. Аминов) таъмини иҷрои нақшаи насби дастгоҳҳои барқароршавандаи энергияи дорои тавоноии хурдро, инчунин ҳангоми гузоштани панелҳои офтобӣ ва гелиоколлекторҳо риоя ба талаботи қонунгузориро қатъиян назорат намояд.

33. Муқаррар карда шавад, ки:

Иҷрои бечунучаро, босифат ва пурраи Барномаи давлатӣ вазифаи устувору аввалиндараҷаи мақомоти давлатӣ ва ташкилотҳои тамоми сатҳҳо маҳсуб меёбад;

роҳбарони мақомот ва ташкилотҳои давлатӣ барои ноил шудан ба нишондиҳандаҳои мақсадноки дар Барномаи давлатӣ барои ҳар семоҳа муқарраршуда дар самт ва минтақаҳои дахлдор, татбиқи самараноки чорабиниҳои пешбинишуда, инчунин сари вақт ва пухта таҳия намудани лоиҳаҳои санадҳои меъёрии ҳуқуқии зарурӣ шахсан масъул мешаванд.

34. Зеринҳо:

Вазорати адлия якҷоя бо Палатаи ҳисоб иҷрои нақшаҳои чорабиниҳои амалӣ, ноил шудан ба нишондиҳандаҳои мақсаднок ва таҳияи лоиҳаҳои санадҳои меъёрии ҳуқуқиро дар доираи Барномаи давлатӣ аз рӯйи самтҳо мунтазам мониторинг намояд;

Маркази «Стратегияи тараққиёт» ва Ҷунбиши «Юксалиш» ба маҳалҳо баромада, бо назардошти афкори ҷамъиятӣ татбиқи Барномаи давлатиро аз нигоҳӣ танқидӣ омӯзанд ва оид ба натиҷаҳо ҳар моҳ ба Администратсияи Президенти Ҷумҳурии Ӯзбекистон ахборот пешниҳод кунанд;

Мақомоти ҳокимияти давлатӣ, вазорат ва идораҳо, мақомоти ҳокимияти маҳаллии иҷро ба фаъолияти Маркази «Стратегияи тараққиёт» ва Ҷунбиши «Юксалиш» ҷиҳати иҷрои банди мазкур ҳамаҷониба кумак расонанд.

35. Девони Вазирон:

дар муҳлати як ҳафта Фармони мазкур ва чорабиниҳое, ки бо он тасдиқ гардида, ба татбиқи иҷрои Барномаи давлатӣ нигаронида шудаанд, қабул намояд;

дар охири ҳар моҳ маълумотҳоро оид ба иҷрои Барномаи давлатӣ умумӣ карда, ба Администратсияи Президенти Ҷумҳурии Ӯзбекистон пешниҳод намояд;

дар анҷоми ҳар як чоряк сари вақт, пурра ва босифат иҷро гардидани вазифаҳои дар Барномаи давлатӣ гузошташударо дар ҷамъомади раёсати Девони Вазирон муҳокима намояд;

дар ҳар нимсола ҳисоботҳоро аз рӯйи иҷрои Барномаи давлатӣ ба Палатаи қонунгузории Олий Маҷлис ворид кунад.

36. Агентии иттилоот ва коммуникатсияи оммавӣ (А. Хоҷаев), Ширкати миллии телевизион ва радиои Ӯзбекистон (А. Ҷӯрабоев) ва Агентии миллии иттилоотии Ӯзбекистон (А. Кӯчимов) якҷоя бо дигар воситаҳои ахбори оммавӣ мунтазам:

тавассути материалҳои таҳлилӣ дар воситаҳои ахбори оммавӣ, аз ҷумла, Интернет ва шабакаҳои иҷтимоӣ васеъ шарҳ додани натиҷаҳои татбиқи Барномаи давлатӣ, дастовардҳои гузариш ба «иқтисодиёти сабз»-ро, инчунин ба омма фаҳмонда додани моҳият ва мазмуни онро;

ба аҳолӣ сари вақт расонидани маълумотҳои холису пурраро дар бораи рафти чорабиниҳое, ки дар доираи Барномаи давлатӣ амалӣ мегарданд ва натиҷаҳои онҳоро таъмин намояд.

37. Барои ташкили самарабахши иҷрои Фармони мазкур ба зиммаи роҳбарони вазорату идораҳо, Раиси Шӯрои Вазирони Ҷумҳурии Қароқалпоқистон, ҳокимони вилоятҳо ва шаҳри Тошканд ҷавобгарии шахсӣ гузошта шавад.

Баррасии рафти иҷрои Фармони мазкур, мутобиқсозӣ ва назорати фаъолияти ташкилотҳое, ки ба иҷрои он масъул мебошанд, ба зиммаи Комиссияи ҷумҳуриявӣ оид ба татбиқи Стратегияи «Ӯзбекистон – 2030» гузошта шавад.

Дар бораи чораҳои амалишуда дар ҳар семоҳа ба Президенти Ҷумҳурии Ӯзбекистон ахборот тақдим карда шавад.

Президенти Ҷумҳурии Ӯзбекистон

Ш. МИРЗИЁЕВ.

Шаҳри Тошканд,

7 феврали соли 2025.