Моддаи 405-и Кодекси меҳнати Ҷумҳурии Ӯзбекистон таътилҳои нигоҳубини кӯдакро то синни ду ва се солагӣ муайян мекунад.
Тибқи он, пас аз анҷоми таътили ҳомиладорӣ ва таваллуд, бо хоҳиши зан, ба ӯ таътили нигоҳубини кӯдак то синни ду солагӣ дода мешавад. Дар ин давра, тибқи тартиби муқаррарнамудаи Девони Вазирони Ҷумҳурии Ӯзбекистон, ба ӯ кӯмакпулӣ пардохт карда мешавад.
Ба зан бо хоҳиши ӯ, то синни се солагии кӯдак барои парвариши он таътили иловагӣ дода мешавад, ки дар он музди меҳнат нигоҳ дошта намешавад.
Аз таътилҳои нигоҳубини кӯдак, ки дар қисми якум ва дуюми ин модда пешбинӣ шудаанд, падар, бибӣ, бобо ё хешовандони дигари воқеан нигоҳубинкунандаи кӯдак, инчунин васии ӯ метавонанд пурра ё қисман истифода баранд.
Бо хоҳиши зан ё шахсони дар қисми сеюми ин модда зикршуда, онҳо метавонанд дар давраи таътили нигоҳубини кӯдак бо реҷаи нопурраи корӣ ё мувофиқи шартномаи меҳнатӣ дар хона кор кунанд. Дар ин сурат, ҳуқуқи гирифтани кӯмакпулӣ тибқи қисми якуми ин модда нигоҳ дошта мешавад.
Дар давраи таътили нигоҳубини кӯдак, ҷойи кор (мансаб)-и корманд нигоҳ дошта мешавад. Давомнокии ин таътилҳо то 6 сол ба собиқаи меҳнатӣ дохил карда мешавад, аз ҷумла ба собиқаи кории тахассусӣ низ ҳисоб карда мешавад.
Ба собиқаи корие, ки ҳуқуқи гирифтани таътили ҳарсолаи меҳнатиро медиҳад, агар дар шартномаи дастаҷамъӣ, ҳуҷҷатҳои дохилии ташкилот ё шартномаи меҳнатӣ тартиби дигаре пешбинӣ нашуда бошад, давраи таътили нигоҳубини кӯдак дохил карда намешавад.
