Дар ҳузури Президенти Ҷумҳурии Ӯзбекистон Шавкат Мирзиёев, Президенти Шӯрои Аврупо Антониу Кошта ва Президенти Комиссияи Аврупо Урсула фон дер Ляйен Созишнома дар бораи таъсиси идораи минтақавии Бонки аврупоии сармоягузорӣ дар кишвари мо ба имзо расид.
Бонки аврупоии сармоягузорӣ, ки соли 1958 таъсис ёфтааст, яке аз муассисаҳои пешбари молиявии Иттиҳоди Аврупо мебошад.
Қобили зикр аст, ки ифтитоҳи идораи мазкур дар шаҳри Тошканд имкони васеъ намудани ҳамкориҳои мутақобилан судманд ва афзоиши ҳаҷми сармоягузориҳои ҷалбшударо ба рушди иқтисоди «сабз», саноати инноватсионӣ ва инфрасохтори муосир дар Ӯзбекистон ва умуман дар Осиёи Марказӣ фароҳам меорад.
