21-25 апрел дар пойтахти Туркманистон II Олимпиадаи байналмилалии математикӣ миёни хонандагони мактабҳо баргузор гардид.
Дар он тақрибан 250 хонандаи боистеъдод аз қариб 15 кишвари ҷаҳон иштирок намуданд. Аъзои дастаи мунтахаби Ӯзбекистон низ дар олимпиада фаъолона иштирок ва шарафи Ватанамонро сазоворона ҳимоя карданд.
Математикони ҷавони Ӯзбекистон дар маҷмӯъ 17 медал — 4 медали тилло, 9 медали нуқра ва 4 медали биринҷӣ ба даст оварданд. Ин натиҷа бори дигар сатҳи баланди дониш ва омодагии истеъдодҳои ҷавони моро нишон дод.
Аз ҷумла, Ҷавоҳир Маматқулов, Азизбек Мамадҷонов, Абдулазиз Раҷабов ва Меҳмонбек Аманов бо медалҳои тилло сарфароз гардиданд.
Дар Олимпиадаи соли гузашта дар Туркманистон дастаи Ӯзбекистон 9 медал гирифта буд. Дастовардҳои имсолӣ бори дигар иқтидори баланди кишвари моро дар соҳаи маориф ва пешрафти устувори ҷавонон дар рушди зеҳнӣ собит намуданд.
Ин мусобиқа ба таҳкими робитаҳои дӯстона миёни донишомӯзон ва мураббиён аз кишварҳои гуногун мусоидат намуда, як майдони муҳими мубодилаи дониш ва таҷриба гардид. Ҳамаи иштирокчиён барои сатҳи баланди ташкил, фароҳам овардани шароити бароҳат ва меҳмоннавозии гарми тарафи Туркманистон изҳори сипос карданд.
АИ “Дунё”,
ш.Ашқобод
