Дар байни намунаҳои дурахшони бофандагии миллӣ сӯзанӣ ҷойи махсусро ишғол мекунад. Сеҳри он дар дилрабоии нақшҳо, ҳамоҳангии рангҳо ва нозукиҳои ҳунар зоҳир мегардад.
Хонандаи синфи 10-уми мактаби миёнаи 29-уми шаҳри Намангон Санобар Инъомова аз ҷумлаи ҷавонони ҳунарманд мебошад. Санобар ин ҳунари миллиро дӯст медораду пайи зиндаву абадӣ нигоҳ доштани он саъй мекунад. Ӯ аз 6 солагӣ ба ин ҳунар машғул аст. Маҳсули эҷодкардаи ӯ имрӯз на танҳо дар кишварамон, балки дар мамлакатҳои хориҷӣ, аз ҷумла Ҳиндистон, Туркия, Тоҷикистон ва Озарбойҷон низ харидор доранд.
– Сӯзанидӯзӣ сабр, шавқу ҳавас ва меҳнати бисёрро талаб мекунад, – мегӯяд Санобар. – Барои тайёр кардани ҳар як сӯзанӣ аз 10 то 25-30 рӯз лозим мешавад. Дар ҳар як гул, ҳар як ранг ифодаи бадеии нақши сулҳ, муҳаббат ба Ватан ё модар, дӯстӣ, бародариро метавон мушоҳида кард. Ман як сӯзании тайёршударо 30 миллион сӯм фурӯхтам. Дар як моҳ аз 5 то 12 миллион сӯм даромад мекунам.
Шоҳида ДАМИНОВА,
мухбири «Овози тоҷик» дар вилояти Намангон.
