Дар арафаи иди бошукӯҳи истиқлолияти давлатӣ Рӯзи соҳибкорони ҷумҳурӣ баргузор гардид. Як гурӯҳ соҳибкорони ҷумҳурӣ, аз ҷумла соҳибкорони муваффақи вилояти Навоӣ низ қадршиносӣ гардиданд.
Кашидадӯзи моҳири нуратоӣ, соҳибкори муваффақ Заррина Ҳамидова бо медаи «Шуҳрат» ва шаш нафар соҳибкори дигар бо нишони сарисинагии «Соҳибкори фаъол» сарфароз гардонида шуданд.
Чунон ки муҳаққиқин шарҳ додаанд, соҳибкор аслан шахсест, ки корхонаеро созмон медиҳад, маъмулан миқдори зиёди хавф ва навовариҳоро дар бар мегирад. Онҳо натанҳо корхона ташкил мекунанд, вазъияти мавҷударо зери шубҳа гузошта, роҳҳои нави ҳалли мушкилоти мавҷударо меҷӯянд, ё маҳсулоти наверо истеҳсол мекунанд, ки тарзи зиндагӣ ва кори моро тағйир медиҳанд.
Соҳибкорон ҷуръат мекунанд, ки дастовардҳои калон дошта бошанд, рӯъёҳои худро ба воқеият табдил диҳанд ва аксар вақт дар пайи онҳо мавҷҳои тағйирот эҷод кунанд. Онҳо меъморони навоварӣ, катализаторҳои тағйирот, таваккалгароне ҳастанд, ки ҷуръати тағйир додани кишварро доранд, ташаббускор мебошанд.
Соҳибкорон нерӯгоҳҳои рушди иқтисодӣ мебошанд, ки рушдро рушд мебахшанд, ҷомеаро ба шукуфоӣ бармеангезанд. Онҳо эҷодкунандагони ҷойҳои навӣ корӣ мебошанд, яъне ба таъсиси ҷойҳои корӣ саҳм мегузоранд. Илова бар ин, соҳибкорон ба хазинаи давлат тавассути андоз саҳм мегузоранд. Даромаде, ки аз андозҳои соҳибкорӣ ба даст меояд, хадамоти давлатӣ ва рушди инфрасохторро дастгирӣ мекунад, ки дар навбати худ барои фаъолияти минбаъдаи иқтисодӣ фазои мусоид фароҳам меорад.
Соҳибкорони вилоят дар бунёди ҷойҳои корӣ, таъмини фаровонии аҳолӣ саҳми калон доранд. Мисолан, Заррина Ҳамидова тасмим гирифтааст, ки соли равон сафи 600 нафар коргаронашро ба ҳазор нафар мерасонад. Қудратҷон Ҷумъабоеви қизилтеппагӣ соли дуюм аст, ки фабрикаи дӯзандагӣ ташкил намуда, 500 нафарро бо кори доимӣ таъмин намудааст. Ҳолати мазкур шаҳодат аз он медиҳад, ки дар вилоят мактаби соҳибкорӣ ташаккул ёфтааст. Имрӯз соҳибкорон ба қувваи асосии бунёди хоҷагии қишлоқ, сохтмон ва соҳаҳои саноат, хидматрасонии замонавӣ табдил ёфтаанд.
Дар вилоят ба рушди соҳибкорӣ ҳама гуна шароит ва имконият муҳайё гардидааст. Ин аст, ки дар се соли охир субъектҳои соҳибкорӣ ба 30 364-то расидааст. Дар ин се сол сафи соҳибкорон 7 маротиб афзудааст. Муҳим он аст, ки соҳибкорон дар ҳалли муаммоҳои вилоят саҳм мегиранд. 303 лоиҳа бо арзиши 76,8 миллион доллар дар амал татбиқ шуд, ки дар натиҷа 2888 ҷойи нави корӣ эҷод гардид.
Соли равон аз ҷониби корхонаҳои вилоят маҳсулот ба миқдори 135,6 миллион доллар (аз он 129,6 миллион маҳсулоти саноатӣ, 5,9 миллион маҳсулоти хоҷагии қишлоқ) экспорт карда шуд. Имрӯз дар вилоят 184 корхонае фаъолият доранд, ки маҳсулоти худро содир мекунад. 13-тои он корхонаҳои нав мебошанд.
Дар 7 моҳи соли равон 826,7 миллион доллар сармояи хориҷӣ азхуд карда шуд. Нақша 102 фоиз иҷро гардид. Моҳҳои январ-июли соли ҷорӣ аз ҷониби соҳибкорони минтақаҳои саноатии ҷавонон ба миқдори 65,3 миллиард доллар маҳсулот истеҳсол гардида, ба миқдори 4450,4 ҳазор доллар маҳсулот содир карда шуд.
Ӯзбакбойи РАҲМОН,
хабарнигори «Овози тоҷик».
Вилояти НАВОӢ.
