Президенти Ҷумҳурии Ӯзбекистон Шавкат Мирзиёев 14 октябр бо Президенти Федератсияи Русия Владимир Путин суҳбати телефонӣ анҷом дод.
Масъалаҳои рушди минбаъда ва таҳкими муносибатҳои шарикии ҳамаҷонибаи стратегӣ ва иттифоқии байни Ӯзбекистон ва Русия дар партави татбиқи созишҳои сатҳи олӣ баррасӣ гардиданд.
Ба масъалаи нигоҳ доштани суръати афзоиши нишондиҳандаҳои асосии ҳамкории тиҷоратӣ-иқтисодӣ ва сармоягузорӣ, инчунин дастгирии лоиҳаҳои ҳамкорӣ дар сатҳи минтақаҳои ду мамлакат диққати махсус дода шуд.
Густариши ҳамкориҳои башардӯстона, пеш аз ҳама дар бахшҳои фарҳанг, санъат ва таълим, аз ҷумла омодасозии мутахассисони муҳандисӣ, бо қаноатмандӣ зикр гардид.
