Бо гарм шудани ҳаво, бисёриҳо аз аллергияи баҳорӣ ранҷ мекашанд. Мутахассисон мегӯянд, ки солҳои охир ин ҳолат шадидтар шудааст ва ҳар сол миллионҳо рӯзи кору таҳсил аз даст меравад.
Тағйирёбии иқлим чӣ таъсир дорад?
Гармшавии иқлим мавсими гард (чанги гул)-ро дароз ва миқдори онро зиёд мекунад. Барф зудтар об шуда, растаниҳо барвақт мешукуфанд ва гард бештар дар ҳаво паҳн мегардад.
Аломатҳо ва сабаб
Гард ба организм ворид шуда, аз ҷониби системаи масуният ҳамчун моддаи зараровар қабул мешавад. Дар натиҷа, бинӣ баста мешавад, хориш пайдо мешавад ва ҳатто астма метавонад шадид гардад.
Кӣ бештар осеб мебинад?
Шахсони дорои аллергия, астма ё бемориҳои шуш бештар дар хатар ҳастанд.
Чӣ бояд кард?
• Дар вақти зиёд будани гард камтар берун бароед;
• Пас аз берун, душ гиред ва либосро иваз кунед;
• Пешакӣ доруҳои зиддиаллергия истифода баред;
• Сатҳи гард ва тавсияи духтурро пайгирӣ кунед.
Аллергияи мавсимӣ метавонад ба зиндагӣ таъсир расонад, аммо бо риояи ин тавсияҳо нишонаҳоро сабуктар кардан мумкин аст.
