Бо даъвати Президенти Ҷумҳурии Қазоқистон Қосым-Ҷомарт Токаев Президенти Ҷумҳурии Ӯзбекистон Шавкат Мирзиёев 21–22 апрел бо сафари корӣ ба шаҳри Астана барои иштирок дар Саммити минтақавии экологӣ ва ҷамъомади Шӯрои сарони давлатҳои муассиси Фонди байналмилалии наҷоти Арал меравад.
Дар ҷараёни ин чорабиниҳо масъалаҳои таҳкими ҳамкориҳои минтақавӣ барои рушди устувори Осиёи Марказӣ, ҳалли мушкилоти муҳити зист, иқлим ва захираҳои об баррасӣ хоҳанд шуд.
Президенти кишвари мо нуқтаи назар ва пешниҳодҳои худро оид ба ин масъалаҳо иброз намуда, ҳамчунин аз намоишгоҳи махсуси экологӣ бо павилонҳои миллӣ боздид мекунад.
Аз рӯи натиҷаҳои саммитҳо интизор меравад, ки як қатор санадҳои муҳим қабул карда шаванд.
