Дар доираи барномаи чорабиниҳои сафари корӣ ба шаҳри Боку Президенти Ҷумҳурии Ӯзбекистон Шавкат Мирзиёев бо Президенти Ҷумҳурии Озарбойҷон Илҳом Алиев мулоқот анҷом дод.
Дар оғози суҳбат сарвари давлати мо роҳбари Озарбойҷонро бо баргузории муваффақонаи Форуми ҷаҳонии урбанизатсия самимона табрик гуфт.
Зимни мулоқот масъалаҳои муҳими рушди минбаъда ва таҳкими муносибатҳои шарикии стратегӣ ва ҳампаймонии Ӯзбекистону Озарбойҷон дар заминаи татбиқи амалии тавофуқоти дар ҷараёни мулоқотҳои қаблии сатҳи олӣ ҳосилшуда баррасӣ гардиданд.
Таъкид шуд, ки гардиши мол миёни ду кишвар бо суръати мусбат рушд дорад. Аз оғози сол ҳаҷми савдои мутақобила беш аз 40 дарсад афзоиш ёфтааст.
Лоиҳаҳои ҳамкорӣ дар бахшҳои сохтмон, саноати маъдани кӯҳӣ, энергетика, кишоварзӣ, сайёҳӣ ва дигар соҳаҳо бомуваффақият амалӣ мешаванд.
Зарурати тезонидани татбиқи лоиҳаҳои ҷорӣ ва густариши сандуқи муштараки сармоягузорӣ, аз ҷумла бо ҷалби маблағҳои Ширкати муштараки сармоягузорӣ, таъкид гардид.
Ҳамчунин роҳбарон масъалаҳои тавсеаи ҳамкорӣ дар татбиқи ташаббусҳои нақлиётӣ ва рушди долонҳои байналмилалии нақлиётиро муҳокима карданд.
Ҳамчунин ҷадвали чорабиниҳои дарпешистода дар сатҳи олӣ баррасӣ шуд.
