Имрӯз, 25 май, дар тамоми мактабҳои таҳсилоти миёнаи умумии кишвар чорабиниҳои тантанавии «Занги охир» таҳти шиори «Насли босавод – пояи Эҳёи сеюм!» баргузор гардиданд.
Барои ҳазорон хатмкунанда ин рӯз яке аз хотирмонтарин ва ҳаяҷонбахштарин саҳифаҳои зиндагӣ ба шумор меравад. Лаҳзаи видоъ бо мактаб, муаллимон ва ҳамсинфон ҳар сол бо эҳсосоти хос, шодиву андӯҳ ва умед ба оянда ҳамроҳ аст.
Хабарнигорони аксбардори рӯзномаҳои «Халқ сӯзи» ва «Народное слово» лаҳзаҳои рангин ва фаромӯшнашавандаи ин чорабиниҳоро дар мактабҳои шаҳри Тошканд ба тасвир гирифтаанд.
Табрикоти самимӣ, суханони пурмеҳри омӯзгорон ва чеҳраҳои пур аз орзуву нақшаҳои ҷавонон ба ин ҷашн ҳусни дигар бахшид. «Занги охир» на танҳо рамзи хатми таҳсил, балки оғози роҳи нави зиндагӣ ва қадами устувор ба сӯи орзуҳои бузург аст.
Бешубҳа, ин рӯз барои хатмкунандагон ҳамчун хотираи гарму фараҳбахш солҳои дароз дар қалбҳо боқӣ хоҳад монд.
