Бешбармоқ яке аз маъмултарин таомҳои анъанавӣ дар вилояти Навоӣ аст. Анъанаҳои беназири пухтупаз ва пешкаш кардани он аз насл ба насл мегузаранд.
Хусусан, сокинони деҳаи Чуқурқудуқи ноҳияи Нурато онро яке аз муҳимтарин хӯрокҳо ҳангоми зиёфати меҳмонон медонанд. Куштани ҳайвон ба шарафи меҳмон ва пешкаш кардани бешбармоқ анъанаест, ки дар ин минтақа аз замонҳои қадим идома дорад.
Таъми хуши бешбармоқ бо раванди тайёр кардани он алоқаманд аст. Ба ин таом гӯшти гӯсфанди дар офтоб хушкшуда ва махсусан намакин – сургӯшт илова карда мешавад. Ҳамчунин аз гӯшти шутур, гӯшти гов ва асп низ истифода мебаранд. Ҳангоми пешкаш кардани ин таоми миллӣ, ки аз гӯшт ва хамир иборат мешавад, сари гӯсфанди пухта рамзи эҳтиром ба ҳисоб меравад.
Бешбармоқи Навоӣ на танҳо барои усули пухтупазаш, балки ҳамчун ифодаи беназири арзишҳои миллӣ, меҳмоннавозӣ ва фарҳанги дастархонӣ низ муҳим аст.
Дар акс: сокинони деҳаи Чуқурқудуқи ноҳияи Нурато ҳангоми истиқболи меҳмонон.
Аксбардор: Сироҷ Аслонов (ӮзА).
