Тибқи маълумоти Кумитаи андози Ҷумҳурии Ӯзбекистон, то 22 июли соли 2026 дар 183 ҳазору 668 ташкилот аз миёни 885 ҳазору 336 корманд аз рӯи андози амвол ва замин дар маҷмӯъ 498,7 миллиард сӯм қарзи андоз мавҷуд будааст.
Зикр мешавад, ки ин қарздорӣ вобаста ба 1 миллиону 69 ҳазору 710 объекти андозбандӣ ба вуҷуд омадааст. Аз маблағи умумӣ 282,8 миллиард сӯм ба андози замин ва 215,9 миллиард сӯм ба андози амвол рост меояд.
Бино ба иттилои Кумитаи андоз, аз ҳаҷми умумии қарздорӣ:
387,9 миллиард сӯм ба кормандони ташкилотҳои тиҷоратӣ;
90,8 миллиард сӯм ба кормандони ташкилотҳои буҷетӣ;
20 миллиард сӯм ба кормандони ташкилотҳои ғайридавлатии ғайритиҷоратӣ рост меояд.
Ҳамчунин, се ташкилоте, ки кормандонашон аз рӯи андози амвол ва замин бештар қарздор мебошанд, чунинанд:
Ҷамъияти саҳомии «Temiryoʻlinfratuzilma» — 5,6 миллиард сӯм;
Ҷамъияти саҳомии «Hududiy elektr tarmoqlari» — 4,2 миллиард сӯм;
Ҷамъияти саҳомии «Olmaliq kon-metallurgiya kombinati» — 4,1 миллиард сӯм.
