Дар шаш моҳи аввали соли 2026 аз ҳисоби маблағҳои Фонди давлатии суғуртаи тиббӣ ба 1 миллиону 490 ҳазору 126 нафар бемор дар шароити беморхона хизмати тиббӣ расонида шуд.
Дар ин бора Вазорати тандурустӣ хабар додааст.
Тибқи иттилои манбаъ, барои маблағгузории хизматрасониҳои тиббӣ ба муассисаҳои тандурустӣ 752,6 миллиард сӯм равона гардидааст. Ин маблағҳо имкон додаанд, ки хароҷоти табобати ҳазорон оила аз ҳисоби давлат пардохт шавад.
Аз рӯи минтақаҳо, маблағи бештар ба вилояти Самарқанд – 105,6 миллиард сӯм, вилояти Қашқадарё – 93 миллиард сӯм ва вилояти Фарғона – 74,2 миллиард сӯм ҷудо шудааст.
Дар ҳисобот ҳамчунин зикр мегардад, ки ҳаҷми маблағгузорӣ аз ҳисоби суғуртаи давлатии тиббӣ моҳ ба моҳ афзоиш ёфтааст. Танҳо дар моҳи июн ба муассисаҳои тиббӣ 155,7 миллиард сӯм ҷудо гардида, шумораи беморони дар беморхонаҳо табобатгирифта ба 303 ҳазору 700 нафар расидааст.
