Аз 1 август қабули аризаҳо барои ҷойгиршавии донишҷӯён дар хобгоҳҳои муассисаҳои таҳсилоти олии касбӣ оғоз гардид.
Тибқи тартиби нави ҷорӣ, равандҳои ҷойгиршавӣ дар хобгоҳ ва бақайдгирии муваққатии донишҷӯён ба ҳам муттаҳид карда шуда, барои донишҷӯён низоми боз ҳам қулайтар роҳандозӣ гардид.
Имсол донишҷӯён метавонанд барои ҷойгир шудан дар хобгоҳ ва гирифтани бақайдгирии муваққатӣ аз як ариза истифода баранд. Яъне, пас аз ҷойгир шудан дар хобгоҳ, барои бақайдгирии муваққатӣ омода намудани ҳуҷҷатҳои алоҳида ё муроҷиат ба дигар идораҳо зарур нест. Ин хизматрасониҳо дар доираи хизматрасонии композитӣ (муттаҳидшуда) ба таври автоматӣ анҷом дода мешаванд.
Барои ин донишҷӯён бояд тавассути портали my.gov.uz аз хизматрасонии «Пешниҳоди ариза барои ҷойгиршавӣ дар хобгоҳи донишҷӯён» истифода бурда, маълумоти заруриро ворид намоянд.
Пас аз баррасии ариза ба донишҷӯ шартномаи электронӣ ва роҳхат пешниҳод карда мешавад. Баъди пардохти маблағи дар шартнома муайяншуда, хизматрасонии композитӣ ба таври автоматӣ фаъол гардида, маблағи бақайдгирии муваққатӣ низ ба таври автоматӣ ҳисоб карда мешавад.
Пас аз пардохти маблағи бақайдгирӣ ба донишҷӯ варақаи электронии тасдиқкунандаи бақайдгирии муваққатӣ аз рӯи маҳалли иқомат пешниҳод мегардад.
Ҳамчунин, муҳлати бақайдгирии муваққатӣ аз рӯи маҳалли иқомат аз рӯзи пардохти маблағ оғоз шуда, то ба анҷом расидани муҳлати дар шартнома зикршуда амал мекунад.
