Аз 1 август бақайдгирии кадрҳои омӯзгорӣ барои иштирок дар санҷишҳои тахассусӣ (тестӣ), ки моҳи август–декабри соли 2026 баргузор мешаванд, оғоз гардид.
Аризаҳо то 1 октябри соли ҷорӣ тавассути платформаҳои онлайн ва марказҳои хизматрасонии давлатӣ қабул карда мешаванд.
Аз 1 августи соли 2026 раванди бақайдгирӣ ва пешниҳоди ариза барои иштирок дар санҷишҳои тахассусӣ (тестӣ), ки аз ҷониби Вазорати таълими томактабӣ ва мактабии Ҷумҳурии Ӯзбекистон дар моҳҳои август–декабр баргузор мегарданд, оғоз шуд.
Омӯзгорон метавонанд барои иштирок дар аттестатсия то 1 октябри соли 2026 ба қайд гирифта шуда, ариза пешниҳод намоянд.
Аризаҳо тавассути роҳҳои зерин қабул карда мешаванд:
– платформаи pedagog.uzedu.uz;
– Портали ягонаи интерактивии хизматрасониҳои давлатӣ — my.gov.uz;
– марказҳои хизматрасонии давлатӣ.
Тибқи қонунгузории амалкунанда, кадрҳои омӯзгорӣ танҳо бо хоҳиши худ метавонанд дар аттестатсияи ғайринавбатӣ иштирок намоянд.
Ҳамчунин, барои ба таври автоматӣ ҳисоб намудани тағйирот дар маоши омӯзгороне, ки бар асоси натиҷаҳои аттестатсияи навбатии ҳатмӣ ва ғайринавбатӣ дараҷаи тахассусӣ (вазифа)ашон баланд ё нигоҳ дошта шудааст, инчунин омӯзгороне, ки тибқи натиҷаҳои аттестатсияи навбатии ҳатмӣ дараҷаи тахассусӣ (вазифа)ашон паст шудааст, системаҳои дахлдори ҳисобу китоби молиявӣ бо сомонаҳои расмии вазоратҳои ваколатдор, аз ҷумла UzASBO ва дигар барномаҳои молиявӣ, инчунин бо низоми идоракунии мактабҳо (ERP) ҳамгиро карда мешаванд.
Қаблан хабар дода шуда буд, ки маблағи пардохт барои иштирок дар аттестатсияи ғайринавбатӣ ва санҷишҳои сертификатсияи касбӣ 50 фоиз кам карда шудааст.
