Дар шаҳри Бобур сохтмони маҷмааи муосири маъмурӣ барои ҳокимияти вилояти Андиҷон оғоз гардид.
Ин маҷмаа дар майдони 6 гектар бунёд мешавад. Аз он 1,4 гектар барои кабудизоркунӣ ҷудо шуда, тамоми ҳудуд тибқи талаботи муосир ободу зебо карда мешавад.
Тибқи лоиҳа, маҷмаа аз як бинои 8-ошёна ва ду бинои 5-ошёна иборат хоҳад буд.
Ҷойгир кардани идораҳои маъмурӣ дар шаҳри Бобур барои ташаккули маркази нави маъмурию соҳибкорӣ, навсозии инфрасохтори хизматрасониҳои давлатӣ ва беҳтар намудани шароити хизматрасонӣ ба аҳолӣ пешбинӣ шудааст.
Ба гуфтаи сармеъмори вилоят Шаҳбозбек Обидҷонов, дар сохтмони маҷмаа талаботи муосири шаҳрсозӣ, ҳалли сарфакоронаи энергия ва тамоми шароити зарурӣ барои кормандон ва шаҳрвандон ба назар гирифта шудааст.
Интизор меравад, ки баъди ба истифода додани маҷмаа сифати қабули муроҷиатҳои шаҳрвандон ва хизматрасониҳои давлатӣ боз ҳам беҳтар гардад ва шаҳри Бобур ҳамчун маркази нави маъмурӣ рушд кунад.
