Ҷавонони дорои маъюбият, ки синфи 11-ро хатм кардаанд, метавонанд дар техникумҳои махсус касбу ихтисосҳои муосирро аз худ намоянд.
- 4 техникуми махсус
- 660 ҷойи таҳсил
- 37 касбу ихтисос
- Шакли таҳсил – рӯзона
Техникумҳои махсус дар шаҳрҳои Самарқанд, Фарғона ва Тошканд ҷойгир шудаанд.
Дар ин муассисаҳои таълимӣ ба ҷавонон касбҳои замонавӣ ва амалӣ, аз ҷумла технологияҳои иттилоотӣ (IT), ошпазӣ, дӯзандагӣ, дизайн, сартарошӣ, заргарӣ, фаъолияти ВАО ва хизматрасонии иттилоотӣ, хизматрасонии автомобилҳои барқӣ (электромобилҳо) ва дигар ихтисосҳо омӯзонида мешаванд.
Қабули ҳуҷҷатҳо аз 10 август то 10 сентябр идома меёбад. Ҳуҷҷатҳо ба таври онлайн тавассути платформаи my.edu.uz қабул карда мешаванд.
Ҷавонони дорои маъюбият, ки хоҳиши касбомӯзӣ доранд, дар асоси хулосаи маъюбӣ, ки аз ҷониби комиссияҳои тиббию иҷтимоии экспертӣ тасдиқ шудааст, ба техникумҳои махсус қабул карда мешаванд.
Дар бораи касбҳо ва самтҳои қабули донишҷӯён маълумоти муфассалро метавон аз манбаъҳои расмӣ дастрас намуд.
