Бо қарори Ҳукумати Ҷумҳурии Ӯзбекистон №449 аз 20 августи соли 2026 Низом «Дар бораи тартиби ҷудо кардани қарз ба ташкилотҳое, ки бо техникумҳо таълими дуалиро ба роҳ монда, шуғли хатмкунандагонро таъмин кардаанд» тасдиқ шуд.
Низом тартиби ҷудо кардани қарзро ба ташкилотҳое муайян мекунад, ки бо техникумҳои давлатӣ таълими дуалиро ба роҳ монда, бо таъмин намудани хатмкунандагони онҳо бо ҷойи кор машғуланд.
Ташкилотҳое, ки ба талаботи зерин ҷавобгӯ мебошанд, ҳуқуқи гирифтани қарзро доранд:
— бо техникум таълими дуалиро ба роҳ монда, бо он шартномаи амалкунанда оид ба таълими дуалӣ дошта бошанд;
— дар доираи таълими дуалӣ барои хонандагон ҷойи кор ва таҷрибаомӯзии истеҳсолӣ ташкил карда бошанд;
— ба хонандагоне, ки дар доираи таълими дуалӣ таҳсил мекунанд, мутахассисони соҳибихтисоси ташкилотро ҳамчун «устод» вобаста карда бошанд;
— бо хонандагони таҳсилкунандаи шакли дуалӣ шартномаи меҳнатии муҳлатнок баста, ба онҳо музди меҳнат пардохт намоянд;
— дар соли ҷорӣ хатмкунандаи техникумро ба ҷойи кори холии ташкилот дар асоси шартномаи меҳнатӣ ба кор қабул карда бошанд.
Барои гирифтани қарз дар доираи барномаи таълими дуалӣ ташкилотҳо ба бонкҳои тиҷоратӣ ҳуҷҷатҳои зеринро дар шакли коғазӣ пешниҳод мекунанд:
— ариза барои гирифтани қарз;
— ҳуҷҷатҳои тасдиқкунандаи амалкунандаи ташкилот;
— нусхаи шартномаҳои таълими дуалӣ байни техникум ва ташкилот, инчунин байни ташкилот ва хонанда;
— барномаи таълими дуалӣ ва рӯйхати хонандагони дар ин барнома таҳсилкунанда;
— нақшаи истифодаи маблағи қарз аз ҷониби ташкилот;
— маълумотнома дар бораи надоштани қарзи андозии ташкилот.
Агар ҳамаи ҳуҷҷатҳои пешниҳоднамудаи ташкилот ба талаботи қобилияти қарзгирӣ мутобиқат кунанд, бонки тиҷоратӣ дар давоми се рӯзи корӣ ташкилотро дар ин бора огоҳ намуда, шартномаи қарзӣ мебандад ва маблағи қарзро ба суратҳисоби он интиқол медиҳад.
