Дастаи мунтахаби дзюдои Ӯзбекистон мусобиқаи байналмилалии «Grand Slam»-ро, ки дар шаҳри Лозаннаи Швейтсария баргузор шуд, бо ба даст овардани 5 медал ҷамъбаст кард.
Дар рӯзи охирини мусобиқа рақобатҳо дар вазнҳои сангин баргузор шуда, намояндагони кишвари мо соҳиби як медали тилло, як нуқра ва як биринҷӣ шуданд.
Аз ҷумла, дар вазни то 90 килограмм ду варзишгари узбек — Умар Бозоров ва Нурбек Муртазоев — дар марҳилаи ниҳоӣ барои медали тилло бо ҳам рақобат карданд. Дар ин дидор Умар Бозоров пирӯз шуда, медали тиллоро ба даст овард. Нурбек Муртазоев бошад, бо медали нуқра сарфароз гардид.
Ҳамчунин, дар вазни то 100 килограмм Эрназар Сарсенбаев сазовори медали биринҷӣ шуд.
Ҳамин тариқ, мунтахаби Ӯзбекистон мусобиқаи «Grand Slam»-и Лозаннаро бо 1 медали тилло, 2 нуқра ва 2 биринҷӣ — дар маҷмӯъ 5 медал ба анҷом расонд.
