Имрӯз, 2 сентябр, дар мактабҳои таҳсилоти миёнаи умумии ҷумҳурӣ соли таҳсили 2026–2027 оғоз ёфт.
Тибқи маълумоти пешниҳодшуда, дар соли нави таҳсил ба синфи якум беш аз 795 ҳазор кӯдак қабул карда шудааст. Ҳамчунин, дар литсейҳои академӣ ва техникумҳо низ машғулиятҳо аз 2 сентябр оғоз меёбад.
Мувофиқи анъана, пас аз баргузории чорабиниҳои «Занги аввал» ба хонандагони синфи якум тантанавор «Тӯҳфаи Президент» супорида мешавад. Ин маҷмӯа аз 12 номгӯйи лавозимоти таълимӣ иборат буда, ба он ҷузвдони мактабӣ, дафтарҳо, қалам, қаламҳои одӣ ва ранга, коғази ранга, пластилин, дафтари расмкашӣ, поккунак, рангҳои акварелӣ, ширеш ва қаламдон дохил мешаванд.
«Тӯҳфаи Президент» на танҳо ба хонандагони синфи якуми мактабҳои давлатӣ, балки ба хонандагони синфи якуми мактабҳои ғайридавлатӣ ва муассисаҳои таълимии тобеи дигар вазорату идораҳо низ тақдим карда мешавад.
Қобили зикр аст, ки дар муассисаҳои таҳсилоти олии касбӣ раванди таълим вобаста ба зинаи таҳсил дар санаҳои гуногун оғоз мешавад. Аз ҷумла, барои донишҷӯёни курси якум дарсҳо аз 7 сентябр, барои донишҷӯёни курси дуюм ва болотар аз он бошад, аз 14 сентябр оғоз хоҳанд шуд.
