Нахустин Форуми байналмилалии варзиши донишҷӯёни Осиёи Марказӣ аз 29 сентябр то 2 октябри соли 2026 баргузор мешавад.
Дар робита ба сафари Президенти Федератсияи байналмилалии варзиши донишгоҳӣ (FISU) Леонз Эдер ба Ӯзбекистон, бо мақсади омӯзиши модели ташаккулёбандаи рушди варзиши донишҷӯён дар кишвар, механизмҳои ташкилии он ва натиҷаҳои амалии бадастомада, инчунин муаррифии таҷрибаи пешқадами Ӯзбекистон ба ҷомеаи ҷаҳонии варзиш ва татбиқи он дар дигар кишварҳо, рӯзҳои 29 сентябр – 2 октябр нахустин Форуми байналмилалии варзиши донишҷӯёни Осиёи Марказӣ баргузор мегардад.
Дар доираи форум бо иштироки намояндагони кишварҳои Осиёи Марказӣ ва созмонҳои байналмилалии варзиши донишгоҳӣ вохӯриҳо ва чорабиниҳои гуногун баргузор мешаванд. Дар онҳо масъалаҳои рушди варзиши донишҷӯён, мушкилоти мубрами соҳа ва дурнамои ҳамкориҳои минбаъда баррасӣ хоҳанд шуд.
Интизор меравад, ки дар чорабинӣ роҳбарияти Федератсияи байналмилалии варзиши донишгоҳӣ (FISU), инчунин намояндагони федератсияҳои варзиши донишҷӯёни Қазоқистон, Қирғизистон, Муғулистон, Тоҷикистон ва Туркманистон иштирок кунанд.
Ҳамчунин, Леонз Эдер дар доираи сафари худ дар маросими ифтитоҳи тантанавии нахустин Форуми байналмилалии варзиши донишҷӯёни Осиёи Марказӣ ва мусобиқаҳои варзишии Олимпиадаи «Панҷ ташаббус» миёни донишҷӯён иштирок хоҳад кард.
