Дар Ўзбекистон платформаи электронӣ барои ҳаракати ихтиёрӣ ба роҳ монда мешавад

Мувофиқи қарори Девони Вазирони Ҷумҳурии Ӯзбекистон "Дар бораи чораҳои дастгирии минбаъдаи фаъолияти ихтиёриён" ҳангоми иҷрои вазифаҳо ва фунсияҳои мақомоти идоракунии давлатӣ ва мақомоти маҳаллии ҳокимияти иҷроия фаъолияти ихтиёрӣ ба роҳ монда хоҳад шуд.

Аз 1 июни соли 2022  дар пойгоҳи портали ҷавонони Ўзбекистон барои ихтиёриён платформаи электронӣ ба роҳ монда мешавад.

Платформа маълумотро дар бораи иштироки ихтиёриён дар чорабиниҳои аҳамияти иҷтимоӣ дошта, лоиҳаҳо ва иқдомҳо, инчунин дар давраи мусоидат ба фаъолияти мақомоти давлатӣ  инъикос менамояд;

баҳисобгирии аъзоёни ба гурӯҳи ихтиёриён дохилшуда;

рӯйхати  мақомоти давлатӣ, ки ба ҷалби кўмаки волонтёрӣ дар минтақаҳо ва самтҳои фаъолият, инчунин ҷойгир намудани чорабиниҳо, лоиҳаҳо ва чорабиниҳои онҳо манфиатдор мебошанд;

дастурҳо оид ба кори мақомоти давлатӣ бо ихтиёриён;

сабти ҳолатҳои фаъолияти волонтёрӣ дар хориҷа.

Агентии оид ба кор бо ҷавонон фаъолияти ин платформа ва дастгирии доимии онро таъмин хоҳад кард.

Рӯйхати хатсайрҳо ва дастурҳои дохилии ҷалби волонтёронро роҳбарони мақомоти давлатӣ тасдиқ мекунанд.

Волонтёрон аз ҷониби комиссия дар асоси суҳбат интихоб карда мешаванд.

Аъзоёни фаъоли гурўҳҳои волонтёрӣ аз ҳисоби маблағҳои ғайрибуҷетии мақомоти давлатӣ ва аз ҳисоби дигар манбаъҳои тибқи қонун манънашуда ҳавасманд карда мешаванд.

Муовинони роҳбарони (мушовирони) мақомоти давлатии ба кори ҷавонон масъул ҳуқуқи бо ихтиёриён кор карданро мегиранд, хабар медиҳад ӮзА. 

ТАФСИРИ ХУДРО ГУЗОРЕД: