ДАР БОРАИ ҶАШНИ ИДИ ҚУРБОН

Ба мақсади муносиб ҷашн гирифтани иди Қурбон, ки дар ҳаёти маънавии халқамон нақши алоҳида дорад ва ғояҳои неки дини муқаддаси исломро равшан таҷассум менамояд, дар ҷамъият қарор додани муҳити инсонпарварӣ, эҳтироми тарафайн, меҳру оқибат, саховат ва шукргузорӣ, дар асоси ин фазилатҳои баланди инсонӣ тарбия кардани ҷавонон:

1. Бо назардошти қарори Идораи мусулмонони Ӯзбекистон бобати дар соли 2018 ба 21 август (сешанбе) рост омадани рӯзи якуми иди Қурбон, инчунин мувофиқи Фармони Президенти Ҷумҳурии Ӯзбекистон №ФП-5290 аз 28 декабри соли 2017 «Дар бораи муқаррар намудани рӯзҳои иловагии ғайрикорӣ дар давраи ҷашни санаҳои расмӣ ва кӯчондани рӯзҳои истироҳат дар соли 2018»  се рӯзи аввали иди Қурбон – 21-23 августи соли 2018 дар мамлакат ҳамчун ид васеъ ҷашн гирифта шавад. 
2. Шӯрои Вазирони Ҷумҳурии Қароқалпоқистон, ҳокимиятҳои вилоятҳо ва шаҳри Тошканд якҷоя бо Бунёди дастгирии фаъолияти иҷтимоии собиқадорони Ӯзбекистон «Нуроний», Шӯрои ҷумҳуриявӣ оид ба мутобиқсозии фаъолияти мақомоти  худидораи шаҳрвандон ва ташкилотҳои дигари ҷамъиятӣ ба муносибати дар маҳалҳо дар савияи баланд, мувофиқи анъанаҳои милливу динии халқамон гузарондани иди Қурбон чорабиниҳои зарурӣ амалӣ намоянд.
3. Ба Ширкати миллии телевизион ва радиои Ӯзбекистон, Агентии миллии ахбори Ӯзбекистон ва воситаҳои ахбори оммавии дигар тавсия дода шавад, ки чорабиниҳои вобаста ба ҷашни иди Қурбонро васеъ равшан намоянд.
4. Дар сархати шашуми банди 2-юми Фармони Президенти Ҷумҳурии Ӯзбекистон  «Дар бораи муқаррар намудани рӯзҳои иловагии ғайрикорӣ дар давраи ҷашни санаҳои расмӣ ва кӯчондани рӯзҳои истироҳат дар соли 2018» аз 28 декабри соли 2017  №ФП-5290 ибораи «ба ҷумъаи 24 август» бо ибораи «ба чоршанбеи 22 август» иваз карда шавад.
5. Назорати иҷрои Фармони мазкур ба зиммаи Сарвазири Ҷумҳурии Ӯзбекистон А.Н.Арипов гузошта шавад.

Президенти Ҷумҳурии Ӯзбекистон    Ш.МИРЗИЁЕВ

Шаҳри ТОШКАНД, 
15 августи соли 2018.

ТАФСИРИ ХУДРО ГУЗОРЕД: