Бинобар даъвати Президенти Ҷумҳурии Ӯзбекистон Шавкат Мирзиёев 21-22 июни соли ҷорӣ Президенти Ҷумҳурии Озарбойҷон Илҳом Алиев бо боздиди давлатӣ ба кишварамон ташриф меорад.

Ба рӯзномаи ҳамоиш масъалаҳои таҳкими минбаъдаи муносибатҳои шарикии стратегии Ӯзбекистон ва Озарбойҷон ва тавсеаи ҳамкориҳои гуногунҷанба дохил карда шудаанд.

Сарони ду давлат ба афзоиши ҳаҷми тиҷорати мутақобила, пурзӯр гардондани робитаҳои ҳамкорӣ дар сатҳи соҳибкорӣ ва минтақаҳо, пешбурди лоиҳаҳои муштараки сармоягузорӣ дар бахшҳои гуногуни иқтисодиёт, истифодаи самараноки имкониятҳо дар соҳаи нақлиёту транзит ва давом додани мубодилаи фаъоли маданию башардӯстӣ таваҷҷуҳи алоҳида медиҳанд.

Илова бар ин, сарони давлатҳо доир ба вазъи байналмилалӣ ва минтақавӣ табодули афкор намуда, рушди муколамаи пуршиддат ва дастгирии мутақобила дар чаҳорчӯби сохторҳои бисёрҷонибаро баррасӣ мекунанд.

Дар натиҷаи музокироти сатҳи олӣ имзои бастаи устувори ҳуҷҷатҳои дуҷониба дар назар аст, ки ба амиқсозии ҳамкориҳои амалӣ дар соҳаҳои саноат, нақлиёт, кишоварзӣ, энергетика, илму инноватсия, сайёҳӣ ва дигар соҳаҳо нигаронида шудаанд.

Қобили зикр аст, ки дар остонаи сафар дар шаҳри Тошканд бо иштироки ширкату корхонаҳои бонуфузи Ӯзбекистону Озарбойҷон чорабиниҳои корӣ баргузор мешаванд.

Дар солҳои охир нишондиҳандахои муомилоти моли байниҳамдигарӣ ва шумораи корхонаҳои муштарак хеле афзуд. Ҳаҷми муомилоти мол дар соли 2021 42 дарсад ва дар моҳҳои январ-майи соли ҷорӣ 49 дарсад афзоиш ёфтааст.

Соли гузашта дар Озарбойҷон майдони истеҳсолии васлкунии мошинҳои ватанӣ ба кор даромад. Лоиҳаҳои нави кооператсия дар соҳаи кирмакпарварӣ, маҷмӯи кишоварзӣ, саноати масолеҳи сохтмон, сектори нафту газ, соҳаҳои дорусозӣ ва хӯрокворӣ татбиқ ва таҳия мегарданд.

Дар кишварҳои мо мунтазам чорабиниҳои фарҳангии дуҷониба, фестивалҳо, конфронсҳои илмӣ, муаррифӣ ва мулоқотҳои эҷодӣ баргузор мешаванд.