Бо мақсади самаранок истифода бурдани маблағҳои Буҷаи давлатӣ, ки барои дастгирии молиявии донишҷӯён ва талабаҳое, ки дар ташкилотҳои таҳсилоти олӣ ва касбӣ дар асоси шартномаи пулакӣ таҳсил мекунанд, ҷудо карда мешаванд:

1. Бо пешниҳоди Вазорати иқтисодиёт ва молия ва Вазорати таълими олӣ, илм ва инноватсия дар бораи аз соли таҳсили 2024/2025 сар карда ҷорӣ кардани тартиби ҷудо намудани қарзҳои таълимӣ ба донишҷӯён ва талабаҳои ташкилотҳои таҳсилоти олӣ ва касбӣ аз ҳисоби Фонди маблағгузории қарзҳои таълимии назди Вазорати иқтисодиёт ва молия (минбаъд – қарзи таълимӣ) розигӣ дода шавад, ки инҳоро пешбинӣ менамоянд:
а) ҷудо намудани қарзҳои таълимӣ барои таҳсил дар муассиса таҳсилоти олӣ ва касбӣ танҳо ба донишҷӯён ва талабагони шакли таълимашон рӯзона;
б) ҷудо намудани қарзи таълимӣ:
ба донишҷӯёни курси якуми муассисаҳои таҳсилоти олӣ ва талабагони муассисаҳои таҳсилоти касбӣ – ба андозаи ҳаҷми шартномаи пулакӣ;
донишҷӯёни курсҳои дуюм ва болоии муассисаҳои таълими олӣ – ба андозаи на зиёда аз 80 фоизи маблағи шартномаи пулакӣ дар ҳолате, ки  агар нишондиҳандаи миёнаи давомот аз рӯи фанҳо аз «3» камтар бошад (ба истиснои фарзандони оилаҳое, ки ба Феҳристи ягонаи ҳифзи иҷтимоӣ» дохил шудаанд.
2. Муқаррар карда шавад, ки:
а) қарзи таълимӣ барои инҳо ҷудо карда мешавад:
ба донишҷӯёни муассисаҳои таълими олӣ – ҳангоми мавҷуд будани маълумот дар бораи донишҷӯён дар низоми иттилоотии «Ҳисоби хидматрасониҳо ба донишҷӯён дар асоси қарордод» (kontrakt.edu.uz) ва низоми иттилоотии «Идоракунии равандҳои таълими касбӣ»-и (HEMIS)  Вазорати таълими олӣ, илм ва инноватсия;
ба талабагони муассисаҳои таълими касбӣ – ҳангоми мавҷуд будани маълумот дар бораи талаба дар низоми иттилоотии «Идоракунии равандҳои таълими касбӣ»-и (prof.edu.uz)  Вазорати таълими олӣ, илм ва инноватсия;
б) барои гирифтани қарзи таълимӣ ҳамгироии системаҳои иттилоотии муассисаҳои таҳсилоти олӣ ва касбӣ, ки нармафзори худро доранд, бо системаҳои дахлдори иттилоотии Вазорати таҳсилоти олӣ, илм ва инноватсия ё истифодаи онҳо ҳатмист.
3. Инҳоро таъмин намоянд:
а) Вазорати таълими олӣ, илм ва инноватсия ба муҳлати то 1 июли соли 2024  –  ташаккул додани шартномаи пулакии ҳамаи муассисаҳои таълими олӣ ва касбӣ сарфи назар аз шакли ташкилию ҳуқуқӣ «kontrakt.edu» ва «prof.edu» .uz»;
б) Вазорати иқтисодиёт ва молия:
якҷо бо Вазорати технологияҳои рақамӣ, Бонки марказӣ то аввали соли таҳсили 2024/2025  –  фароҳам овардани имконият барои додани ариза ҷиҳати гирифтани қарзи таълимӣ ба воситаи низоми иттилоотии «Қарзи таълимӣ»-и Вазорати иқтисодиёт ва молия (ta’lim-krediti.mf.uz) ва Портали ягонаи хидмати давлатии интерактивӣ;
ҳамгироии низоми иттилоотии «Қарзи таълимӣ» бо низомҳои иттилоотии дахлдори Вазорати таҳсилоти олӣ, илм ва инноватсия.
4. Ба баъзе ҳуҷҷатҳои Президенти Ҷумҳурии Ӯзбекистон мувофиқи замима тағйироту иловаҳо ворид карда шаванд.
5. Вазорати иктисодиёт ва молия дар муҳлати ду моҳ ба Девони Вазирон дар бораи тағйироту иловаҳое, ки аз Фармони мазкур бармеоянд, таклифҳо пешниҳод намояд. 
6. Назорати иҷрои Фармони мазкур ба зиммаи муовини Сарвазири Ҷумҳурии Ӯзбекистон Ҷ.А. Қӯчқоров гузошта шавад.

Президенти Ҷумҳурии Ӯзбекистон  Ш.МИРЗИЁЕВ 

Шаҳри ТОШКАНД,
27 майи соли 2024.