«Рақси хоразмии – лазгӣ», ки дар таърихи ғании санъати рақсии мамлакати мо ҷойгоҳи махсусро ишғол мекунад, бо услуби хоси иҷро ва ҷаззобии худ на танҳо дар ҷумҳурӣ, балки дар кишварҳои хориҷӣ низ маъмул аст.

«Рақси хоразмии – лазгӣ», ки дар таърихи ғании санъати рақсии мамлакати мо ҷойгоҳи махсусро ишғол мекунад, бо услуби хоси иҷро ва ҷаззобии худ на танҳо дар ҷумҳурӣ, балки дар кишварҳои хориҷӣ низ маъмул аст. Аз ҷониби ЮНЕСКО ба Рӯйхати мероси фарҳангии ғайримоддии башарият шомил шудани «Рақси хоразмии – лазгӣ» низ аз беҳамтоии ин санъат шаҳодат медиҳад.
Бо мақсади ҳифз ва рушди анъанаҳои қадимаи санъати «Рақси хоразмии – лазгӣ», мустаҳкам намудани риштаҳои дӯстӣ ва бародарии байни халқҳо тавассути санъати рақс, минбаъд васеъ намудани доираи ҳамкории эҷодӣ ва робитаҳои фарҳангӣ дар сатҳи байналмилалӣ:
1. Пешниҳоди Вазорати фарҳанг, Академияи илмҳо ва ҳокимияти вилояти Хоразм дар бораи аз соли 2022 дар ҳар ду сол як маротиба, 25-30 апрел баргузор намудани Ҷашнвораи байналмилалии рақси “Лазгӣ” (минбаъд – Ҷашнвора) ва дар доираи он ташкил кардани  конфронси байналмилалии илмию амалӣ тасдиқ карда шавад. 
2. Инҳо тасдиқ карда шаванд:
ҳайати Кумитаи тадорукот оид ба омодагӣ ва баргузории Ҷашнвораи байналмилалии рақси «Лазгӣ» (минбаъд – Кумитаи тадорукот) тибқи замимаи №1;
Низом дар бораи тартиби гузаронидани Ҷашнвораи байналмилалии рақси “Лазгӣ” мутобиқи замимаи №2.
3. Ҳокимияти вилояти Хоразм ва Вазорати фарҳанг ҳамчун мақомоти масъули ташкил ва баргузории Фестивал муайян карда шаванд.
4. Вазорати фарҳанг, Академияи илмҳо ва ҳокимияти вилояти Хоразм:
то 1 декабри соли 2021 бо ҷалби коргардонҳои ботаҷриба, ҳунармандони маъруф, продюсерҳо, оҳангсозон, шоирон ва мутахассисони соҳибихтисоси соҳа барои маросими ифтитоҳ ва пӯшидашавии Ҷашнвора сенарияҳо ва барномаҳои бадеӣ омода кунанд;
якҷоя бо Вазорати корҳои хориҷӣ то 1 феврали соли 2022 рӯйхати устодони санъати рақс, олимон-мусиқишиносон ва санъатшиносон, ҳунарпешагони маъруф, мутахассисони барҷаста ва меҳмонони фахрӣ аз кишварҳои хориҷро, ки дар Ҷашнвора ва конфронси байналмилалии илмӣ-амалии таҳти мавзӯӣ «Ҷойгоҳи рақси миллии ӯзбек дар санъати рақси ҷаҳонӣ» (минбаъд – конфронси илмӣ ва амалӣ) дар доираи он баргузоршаванда иштирок мекунанд, тартиб диҳад.
5. Вазорати корҳои хориҷӣ, Вазорати фарҳанг, Комиссияи миллии Ҷумҳурии Ӯзбекистон оид ба корҳои ЮНЕСКО дар назди Девони Вазирон ва ҳокимияти вилояти Хоразм барои гузаронидани Ҷашнвора дар зери сарпарастии ЮНЕСКО чораҳо андешанд.
6. Вазорати фарҳанг якҷоя бо Кумитаи давлатии рушди сайёҳӣ, Академияи бадеии Ӯзбекистон, Агентии миллии Ӯзбеккино, Иттифоқи нависандагони Ӯзбекистон, Палатаи савдо ва саноати Ӯзбекистон, Ассотсиатсияи “Ҳунарманд” ва Ассотсиатсияи “Узтуқимачиликсаноат” инҳоро таъмин менамояд:
ташкили павилонҳои намоишӣ дар доираи Ҷашнвора дар бораи санъати рақсӣ, намоиши асбобҳо ва либосҳои миллии мусиқӣ, ҳунарҳои дастӣ, асарҳои санъати тасвирӣ ва амалӣ, намунаҳои муҷассама, филмҳои бадеӣ ва мустанад, дискҳои аудио ва видео, китобҳо, албомҳо, аксҳо ва инчунин савдои онҳо дар ҳудуди маҷмӯи “Ичан-қалъа»-и шаҳри Хева;
таҳия ва ба созмонҳои сайёҳӣ пешниҳод намудани барномаи Ҷашнвора, инчунин ҷойгиркунии он дар шабакаи Интернет ва шабакаҳои иҷтимоӣ се моҳ пеш аз Ҷашнвора.
7. Муқаррар карда шавад, ки хароҷоти марбут ба ташкил ва баргузории Ҷашнвора дар асоси сметаи бо тартиби муқарраргардидаи Вазорати фарҳанг таҳия ва тасдиқшуда, бо тартиби зерин сурат мегирад:
70 фоиз – аз ҳисоби маблағҳое, ки ҳамасола ба Вазорати фарҳанг аз буҷаи ҷумҳуриявии Ҷумҳурии Ӯзбекистон барои чорабиниҳои фарҳангӣ ҷудо карда мешаванд;
30 фоиз – аз ҳисоби буҷаи маҳаллии вилояти Хоразм, хайрия ва дигар манбаъҳое, ки қонун манъ накардааст.
8. Тартиби зерини иҷрои қарори мазкур муқаррар карда шавад:
Муовини Сарвазир, раиси Кумитаи тадорукот Б.Мӯсаев – дар сатҳи баланди бадеӣ ва илмӣ баргузор намудани Фестивал ва конфронси байналмилалии илмӣ-амалӣ дар доираи онро таъмин кунад;
Муовини Сарвазир, Раиси Кумитаи давлатии рушди сайёҳӣ А. Абдуҳакимов – оид ба ворид намудани Ҷашнвора ба тақвими туризм, ҷалби сайёҳони хориҷӣ ба он, инчунин пешакӣ банд кардани меҳмонхонаҳо барои иштирокчиён ва меҳмонони Ҷашнвора чораҳо андешад;
Вазири фарҳанг О. Назарбеков – сенарияҳо ва барномаҳои бадеии маросимҳои кушодашавӣ ва пӯшидашавии Ҷашнвораро дар сатҳи баланд бо ҷалби олимон – мусиқишиносон ва санъатшиносон, инчунин ҳунарпешагони маъруф таҳия намояд;
ҳокими вилояти Хоразм, Ф. Эрманов – корҳои ободонию кабудизоркунӣ дар шаҳри Хева, омода кардани саҳнаҳо барои намоишҳо ва толорҳо дар сатҳи зарурӣ, инчунин ташкили павилонҳои намоишӣ оид ба санъати рақс дар ҳудуди маҷмӯи Ичан-қалъа таъмин намояд;
Агентии миллии ахбори Ӯзбекистон, Ширкати миллии телевизион ва радиои Ӯзбекистон ва Агентии ахбори «Дунё» корҳоеро, ки оид ба тайёрӣ ва баргузор намудани Фестивал амалӣ гардонда мешаванд, ҳамаҷониба равшан намоянд.
9. Назорати иҷрои ин қарори мазкур ба зиммаи Сарвазири Ҷумҳурии Ӯзбекистон А.Н.Арипов  ва мушовири Президенти Ҷумҳурии Ӯзбекистон А. А. Абдуваҳитов гузошта шавад.

Президенти Ҷумҳурии Ӯзбекистон Ш.МИРЗИЁЕВ

ТОШКАНД,  
28 сентябри соли 2020.