Дар вилояти Тошканд сохтмони нерӯгоҳи барқии обии Пском, ки иқтидораш 400 МВт мебошад, оғоз ёфт.
Дар вилояти Тошканд сохтмони нерӯгоҳи барқии обии Пском, ки иқтидораш 400 МВт мебошад, оғоз ёфт. Яке аз калонтарин иншоот дар шимолу шарқи Тошканд дар ноҳияи Бӯстонлиқ, 45 километр болотар аз обанбори Чорбоғ ҷойгир хоҳад шуд. Пешбинӣ шудааст, ки нерӯгоҳи барқии обӣ соле то 950 миллион киловатт-соат қувваи барқ ҳосил мекунад.
Асосҳои техникию иқтисодии истифодаи иқтидори гидроэнергетикии дарёи Пском бори аввал ҳануз соли 1987 тартиб дода шуда буд. Бо вуҷуди ин, амалӣ кардани ғоя танҳо дар солҳои охир имконпазир гардид. Ҳамин тариқ, тибқи қарори Президент «Дар бораи Барномаи тадбирҳо оид ба рушди минбаъдаи гидроэнергетика барои солҳои 2017-2021» аз 2 майи соли 2017 бунёди панҷ нерӯгоҳи бузурги барқӣ дар дарёи Пскем пешбинӣ шудааст, ки дарозии он 73 километр, иқтидори умумӣ 1 320 МВт ва иқтидори миёнаи солона 3 140 миллион киловатт соатро ташкил медиҳад. Корҳои сохтмони нерӯгоҳҳои нави барқии обиро дар рудҳои табиӣ ва хоҷагиҳои обии мамлакат ҶС «Узбекгидроэнерго» анҷом медиҳад.
Моҳи октябри соли ҷорӣ лоиҳаи қарори Президент «Дар бораи чораҳо оид ба татбиқи лоиҳаи сармоягузории «Сохтмони нерӯгоҳи барқии обии Пском дар дарёи Пскоми ноҳияи Бӯстонлиқи вилояти Тошканд» тасдиқ шуд.
Дар доираи лоиҳа азхудкунии сармоя ба маблағи умумии 799,6 миллион доллар ба нақша гирифта шудааст. Дар асоси ҳаҷми кор ва мураккабии технологии дар лоиҳа пешбинишуда қарор шуд, ки сохтмони иншооти нав ба ду давра тақсим карда шавад.
Дар доираи марҳилаи аввал, дар солҳои 2018-2021 бунёди як қатор иншооти инфрасохторӣ ба маблағи 412 миллион доллар, аз ҷумла иншооти гидротехникӣ, нақбҳои обгузар, бинои неругоҳи барқии обӣ ва 260 километр хатти барқ ба нақша гирифта шуда буд.
Дар марҳалаи дуюм - солҳои 2022-2026 бунёди сарбанди арзишаш 387,6 миллион доллар дар назар аст. Дар ин самт кори бастани дарвозаи 1-ғавандозии НБО-и Пском давом дорад. Минбаъд оби дарёи Пскем аз нақби зеризаминӣ мегузарад, ки тули он тақрибан 10 километр аст. Ҳоло оби дарё бо суръати 280 метр дар як сония ҷорӣ мешавад.
Бино ба иттилои хидмати матбуоти ҳокимияти вилоят, ба истифода додани лоиҳаи мазкур соли 2026 бо таъсиси иқтидорҳо барои истеҳсоли миёнаи солонаи 946,1 миллион кВт/соат нерӯи барқ пешбинӣ шудааст.
