Кормандони раёсати Хидмати амнияти давлатии вилояти Фарғона дар якҷоягӣ бо дигар сохторҳои қудратӣ чанд нафар қаллобонро, ки ваъда додаанд, ки ҳамватанони моро ба ҳаҷ мефиристанд, ошкор карданд.
Аз ҷумла, дар Марғелон сардори фирмаи саёҳӣ Я. М. ба боварии шаҳрванд даромада, ваъда додааст, ки ӯ ва як дӯсташро ба маблағи 16 ҳазор доллар ба зиёрати Ҳаҷ мефиристад. Дар натиҷа, соҳибкор ҳангоми гирифтани маблағи дархостшуда боздошт шудааст.
Ҳамчунин дар ин шаҳр, вале корманди ширкати дигари сайёҳӣ А.Т., аз як сокини ноҳияи Қӯштеппа барои расмӣ гардондани раводиди сафари ҳаҷ ва ҳамчунин фиристодан ба зиёрати Макка 10 ҳазор доллар талаб кардааст. Қаллоб ҳангоми гирифтани аванс ба маблағи 4000 доллар аз маблағи зикршуда боздошт шудааст.
Дар ноҳияи Бувайда боз як ҳодисаи қаллобӣ ошкор шуд. Намояндаи агентии саёҳӣ дар Андиҷон М.Ж. аз як сокини Марғилон барои расмигардонии раводиди дахлдорр ва фиристодани модари шаҳрванд ба ҳаҷ 8,5 ҳазор доллар талаб кардааст. Ҳангоми гирифтани аванс ба маблағи 3 ҳазор доллар, М.Ж. дастгир карда шуд.
Феълан нисбати боздоштшудагон бар асоси моддаи 168-и «Қаллобӣ»-и Кодекси ҷиноӣ парвандаи ҷиноӣ боз шуда, корҳои тафтишотӣ идома доранд.
