Ба наздикӣ ҳайати намояндагони Қазоқистон иборат аз эҷодкорони медиа-ширкати «Айғақ» ба шаҳри Самарқанд ташриф фармуданд.
Мақсади асосии онҳо ба навор гирифтани видеоролик дар бораи салоҳияти сайёҳии Самарқанд буд.
Эҷодкорони медиа-ширкат корҳои банаворгириро дар мақбараи Амир Темур, маҷмӯаи Имом Бухорӣ, майдони Регистон ва шаҳри Ургут амалӣ намуданд.
– Ин видеоролик ва лавҳаҳо дар воситаҳои ахбори оммавии Қазоқистон мунтазам пахш карда мешаванд, – гуфт директори медиа-ширкати «Айғақ», роҳбари ҳайат Дулат Абиш. – Ин амалиёт барои дар оянда афзун сохтани адади сайёҳони қазоқистонӣ ба сайқали рӯи замин — Самарқанд хизмат мекунад.
Зоҳир ҲАСАНЗОДА,
хабарнигори «Овози тоҷик».
Вилояти САМАРҚАНД.
