Дар ноҳияи Бӯстонлиқи вилояти Тошканд IT-мактаб кушода шуд

Дар ноҳияи Бӯстонлиқи вилояти Тошканд IT-мактаби рақами 2-и махсус кушода шуд.

Дар маросими ифтитоҳ муовини якуми вазири рушди технологияҳои иттилоотӣ ва коммуникатсияҳои Ҷумҳурии Ӯзбекистон Олег Андреевич Пекос, ҳокими ноҳияи Бӯстонлиқ Ахмедов Ҷӯрабек Илҳомович ва муовини директори оид ба инноватсияи IT-парк  Раҷабов Ҷаҳонгир иштирок  карданд.

Дар тафовут аз мактабҳои таҳсилоти умумӣ, мактабҳои махсуси технологияҳои иттилоотӣ барномаи таълимиро ҷорӣ кардаанд, ки ба математика, забони англисӣ ва информатика таваҷҷуҳ зоҳир мекунанд. Илова бар ин, робототехникаи мобилӣ дар мактабҳои IT низ таълим дода мешавад.

Бо мақсади фароҳам овардани шароити мусоид ба мактаббачагон барои омӯзиши технологияҳои иттилоотӣ, мактаб бо тамоми заминаи моддию техникӣ ва интернети баландсуръат муҷаҳҳаз аст. Муаллимони баландихтисоси марказҳои IT-и назди IT Park барои мактаббачагон аз рӯи барномасозӣ ва робототехника маҳфилҳои касбӣ пеш мебаранд.

То охири соли таҳсил ифтитоҳи 85 IT-мактаби махсус ва то ба сад адад расондани шумораи умумии онҳо дар Ӯзбекистон ба нақша гирифта шудааст. 

ТАФСИРИ ХУДРО ГУЗОРЕД: