Президент Шавкат Мирзиёев бо фаъолияти корхонаи “Art soft ceramics” дар шаҳри Қувасой шинос шуд.
Корхонае, ки моҳи декабри соли гузашта ба кор шурӯъ карда буд, имкон дорад соле қариб 3 миллион метри мураббаъ маснуоти сангини чинӣ истеҳсол намояд. Имрӯзҳо дар ин ҷо 350 нафар коргарону мутахассисон кор мекунанд.
Ба шарофати пурра маҳаллисозӣ маҳсулоти корхона ба бозор бо нархҳо нисбат ба ҳамтоёни хориҷӣ хеле арзонтар ворид карда мешавад. Ба нақша гирифта шудааст, 35 дарсади маҳсулот ба Русия, Қазоқистон ва Тоҷикистон содир карда шавад.
Сарвари давлат аҳамияти баланд бардоштани нишондиҳандаҳои содиротии корхона ва дар маҷмӯъ шаҳри Қувасойро қайд кард. Ба ин манзур ҷиҳати ба роҳ мондани ҳамкорӣ бо минтақаҳои саноатии хориҷӣ ва зиёд намудани ҷойҳои корӣ супоришҳо дода шуданд.
