Раиси Сенати Олий Малис Сенати Танзила Норбоева бо директори генералии Созмони байналмилалии меҳнат (СБМ) Жилбер Унгбо, ки бо сафари корӣ дар кишвари мо қарор дорад, мулоқот анҷом дод.
Жилбер Унгбо ба ҳамкории самарабахши СБМ бо Ӯзбекистон баҳои баланд дода, кишварро бо интихоб шуданаш ба узвияти Шӯрои маъмурии ин созмон табрик гуфта, махсусан таъкид кард, ки кишвар ба шарофати иродаи қавӣ ва хоҳиши Президент Шавкат Мирзиёев ба пешрафтҳои бузург ноил шудааст.
Таъкид гардид, ки натиҷаҳои корҳои дар доираи барномаи кишварии меҳнати шоиста барои солҳои 2021-2025 дар Ӯзбекистон татбиқгардида, барои бисёр дигар кишварҳо намуна мебошад.
Инчунин оид ба таҳияи лоиҳаи Барномаи меҳнати шоиста барои солҳои 2026-2030 дар асоси вазифаҳои дар иҷлосияи 112-уми Созмони байналмилалии меҳнат муайяншуда ва самтҳои афзалиятноки Ҳадафҳои рушди устувор табодули афкор сурат гирифт.
Дар фарҷоми суҳбат оид ба рушди минбаъдаи ҳамкорӣ ҷиҳати коҳиш додани тафовути гендерӣ ва мубориза бо табъиз дар ҷаҳони меҳнат, таъмини шуғли маъюбон, фароҳам овардани шароити мусоид ва муносиб барои онҳо тавофуқ ҳосил шуд.
