25 июли соли ҷорӣ муовини вазири сармоя, саноат ва савдои Ҷумҳурии Ўзбекистон Акрам Алиев бо ҳайати вакилони саноати фарматсевтии Полша бо сардории президенти иттиҳодияи саноати дорусозии Полша Кшиштоф Копес вохӯрд.
Ба ҳайати вакилон инчунин роҳбарони ду ширкати калонтарини дорусозии Полша — Adamed Pharma ва Polpharma Group дохил шуданд.
Ҷониби Полша ба фазои соҳибкорӣ дар Ӯзбекистон, ки дар муддати кӯтоҳ ба вуҷуд омадааст, баҳои баланд дод. Илова бар ин, таваҷҷуҳ ба аҳамияти ҳамоҳангсозии стандартҳои сифат ва бехатарӣ, ки метавонад як қадами муҳим барои ҳамгироии молҳои Полша дар бозори Ӯзбекистон бошад, зоҳир гардид.
Имкониятҳои ташкили истеҳсоли маҳсулоти дорусозӣ дар кишвари мо ва афзалиятҳои дастрасии имтиёзнок ба бозорҳои бузурги минтақавӣ баррасӣ шуданд.
Дар ҷамъбасти мулоқот ҷонибҳо омодагии худро барои рушди минбаъдаи ҳамкориҳои мутақобилан судманд изҳор намуда, формати ҳамкориҳои минбаъдаро дар доираи масъалаҳо ва ташаббусҳои баррасишуда таҳия намуданд.
