Камтар пештар, дар вазни то 81 кило ҳамватани мо Шарофиддин Болтабоев барандаи мусобиқоти сисилаи "Тоскулоҳи калон" оид ба дзюдо дар Париж шуд.
Дар мубориза барои ҷойи сеюм ӯ бар зидди Франсуа Гаутери канадагӣ ба татами баромад ва дар вақти изофӣ пирӯз шуд. Қобили зикр аст, ки Шарофиддин Болтабоев дар баробари медали биринҷӣ ба ҳисоби рейтингии худ 500 хол ба даст овард.
Дзюдочии дигари мо -- Давлат Бобонов дар вазни то 90 кило медали биринҷии мусобиқаро бидуни набард ба даст овард. Варзишгари гурҷӣ Бека Гриниашвили, барандаи медали биринҷии Олимпиадаи Токио, ба далели гирифтани ҳансок, яъне муҷозоти ҳаракати мамнӯъ ба татами набаромад. Дар натиҷа пирӯзӣ ба таври автоматӣ ба Бобонов гузашт.
Ҳамчунин, паҳлавони мо дар вазни то 100 кг Музаффарбек Тӯрабоев дар қувваозмоӣ барои медали биринҷӣ бар рақиби варзидаи Ҳолланд Майкл Коррел пирӯз шуд.
Ҳамин тариқ, бар асоси маълумоти Кумитаи миллии олимпӣ, мусобиқаи «Тоскулоҳи калон дар Париж» барои дастаи мо бо се медали биринҷӣ ба охир расид.
