ДОНИШҶӮЁН МАМНУНАНД

Донишгоҳи давлатии Гулистонро шаҳраке андар шаҳр гӯем муболиға нест.

Зеро солҳои охир ин маърифатгоҳ рӯз аз рӯз ободу зебо гашта, ба як маскани хушманзараву дилпазир табдил меёбад. Базаи моддӣ-техникии донишгоҳ торафт мустаҳкам гардида, биноҳои он бо навбат аз таъмири хушсифат бароварда шуда, бо мебел ва дигар таҷҳизоти замонавӣ ҷиҳозонида мешаванд.                    
                                                                                                                                          
Алҳол шодиву хурсандии донишҷӯён ҳадду канор надорад. Зеро онҳо соли навро дар ду хобгоҳи пурра азнавтаъмиршуда пешвоз гирифтанд.                                                           
Барои таъмири мукаммал ва дар асоси талаби замон ҷиҳозонидани хобгоҳи якум 9,6 миллиард сӯм маблағ харҷ карда шуд. Ҳоло дар ин хобгоҳ 626 нафар донишҷӯ дар шароити ба талаби замон ҷавобгӯ истиқомат мекунанд. Дар хобгоҳ барои донишҷӯёни ногиро хонаҳо бо шароити алоҳида ҷудо карда шудааст. Инчунин дар бинои хобгоҳ хонаи маънавият, маркази ахбор-захира, нуҳто ошхона, хонаҳои оббозӣ, шустушӯкунӣ ва ҳамин қадар хонаи либосшӯӣ мавҷуд аст, ки ҳамаи он бо таҷҳизоти замонавӣ таъмин аст.                                                                                                                                                                                                                                                        
Барои таъмири хобгоҳи дуюм 9,4 миллиард сӯм маблағ харҷ шуд.  Дар ин хобгоҳ 602 нафар донишомӯзон истиқомат мекунанд ва барои онҳо низ шароити дар хобгоҳи якум номбаршуда муҳайё карда шудааст.                                                                                
Донишҷӯён аз ин ғамхории ҳукумат ва роҳбарияти донишгоҳ хеле мамнунанд ва аҳд кардаанд, ки қуллаҳои илму донишро паси ҳам забт намуда, барои равнақи Ватани маҳбубамон ҳиссагузорӣ кунанд.
                                                                                                                                           
Бахтиёр ӮТАНОВ, 
шаҳри ГУЛИСТОН.  
 

ТАФСИРИ ХУДРО ГУЗОРЕД: