Дар Ўзбекистон ҳангоми қабул ба як қатор мактабҳои олӣ барои забонҳои хориҷиро донистани довталабон имтиҳонҳои касбӣ (эҷодӣ) гузаронда мешаванд.

Ин гуна чора дар қарори Девони Вазирони Ҷумҳурии Ӯзбекистон аз 19 январ “Дар бораи чораҳои иловагӣ оид ба такмил додани омӯзиши забонҳои хориҷӣ” пешбинӣ шудааст.

Пеш аз ҳама, ин таҷриба дар бахшҳои таҳсили бакалавриати донишгоҳҳо, ки забони хориҷӣ фанни асосӣ ба ҳисоб меравад, ҷорӣ карда мешавад, аз ҷумла:

Донишгоҳи давлатии забонҳои ҷаҳони Ўзбекистон (ДДЗҶӮ);

Донишкадаи давлатии забонҳои хориҷии Самарқанд (ДДЗХС);

Донишгоҳи давлатии шарқшиносии Тошканд.

Инчунин дар тайёр кардани муаллимони забонҳои хориҷӣ дар мактабҳои олии зерин:

Донишгоҳи давлатии омӯзгории ба номи Низомии Тошканд;

Донишкадаи давлатии омӯзгории ба номи Муқимии Қӯқанд;

Донишкадаи давлатии омӯзгории ба номи Аҷиниёзи Нуқус.

Дар баробари ин, аз 1 марти соли 2022 курсҳои такмили ихтисоси омӯзгорони забонҳои хориҷӣ ташкил карда мешаванд, ки ба рушди малакаҳои гӯшкунӣ, хондан, навиштан ва суханронӣ, инчунин гирифтани сертификат нигаронда шудаанд.

Инчунин китобҳои дарсии забони хориҷӣ нашр карда мешаванд, ки барои мактабҳо дар асоси усулҳои муосири таълими забонҳо таҳия карда мешаванд.

Минбаъд аз соли хониши 2024/2025 забони хориҷӣ тадриҷан ба рӯйхати фанҳои ҳатмӣ барои имтиҳонҳои дохилшавӣ дар тамоми донишгоҳҳои кишвар ворид карда мешавад.

Аз 1 сентябри соли 2022 раванди аттестатсияи омӯзгорони забонҳои хориҷӣ дар муассисаҳои таълимии томактабӣ, таҳсилоти умумӣ, миёнаи махсус ва касбӣ, инчунин муассисаҳои таълимии томактабӣ аз ҷониби Инспекцияи давлатии назорати сифати таълим ба нақша гирифта шудааст.

Ҳамчунин, аз 1 феврали соли 2022 ба омӯзгорони забони русӣ, ки дорои шаҳодатномаи байналмилалии дараҷаи C1 мебошанд, аз рӯзи гирифтани шаҳодатнома ба муддати ду сол иловапулӣ пардохт карда мешавад.