ЭРОН ОРОМГОҲИ АБУРАЙҲОНИ БЕРУНИРО БОЗСОЗӢ МЕКУНАД

Вазири мероси фарҳангӣ, гардишгарӣ ва саноати дастии Эрон омодагии ин вазоратхонаро барои кӯмак ба бозсозии усулии мақбараи Абурайҳони Берунӣ дар Афғонистон эълом кард

Вазири мероси фарҳангӣ, гардишгарӣ ва саноати дастии Эрон омодагии ин вазоратхонаро барои кӯмак ба бозсозии усулии мақбараи Абурайҳони Берунӣ дар Афғонистон эълом кард

Алиасғари Мӯнисон – вазири мероси фарҳангӣ, гардишгарӣ ва саноати дастии Эрон аз Муҳаммадҳасани Толибён, муовини вазири мероси фарҳангии ин вазоратхона хост, бо таваҷҷуҳ ба ин ки мақбараи Абурайҳони Берунӣ дар шаҳри Ғазнии Афғонистон вайрон шудааст, дар ҳамоҳангӣ бо мақомоти ин кишвар барои бозсозии оромгоҳи Абурайҳони Берунӣ, донишманд ва риёзидони эронӣ ҳарчӣ сареътар иқдом кунад, иттилоъ додааст ИРНА.
Мӯнисон афзуд, Эрон дониши хубе дар заминаи мариммат ва бозсозии биноҳо ва маконҳои таърихӣ дорад ва коршиносони барҷастае низ дар ин ҳавза фаъолият мекунанд, бар ин асос дар бозсозии усулии мақбараи Абурайҳони Берунӣ ба кишвари Афғонистон кӯмак мекунем, то шоҳиди мақбарае дар шаъни ин донишманди барҷастаи эронӣ бошем.
Абурайҳони Берунӣ сеюми зулҳиҷаи соли 362 дар рустое дар атрофи Хоразм ба дунё омад ва соли 440 дар Ғазнӣ (Афғонистони имрӯзӣ) вафот кард.
Вай афзун бар забони форсӣ ба арабӣ, ибрӣ, сурёнӣ ва санскрит ва эҳтимолан юнонӣ низ мусаллат буд ва осори зиёде аз вай дар улуми мухталиф, аз ҷумла дар нуҷум ва илми гоҳшуморӣ ва тақвим барҷой мондааст.

 

ТАФСИРИ ХУДРО ГУЗОРЕД: