ИҚДОМИ НЕК

Маркази маъмурии вилояти Қашқадарё – шаҳри Қарширо имрӯзҳо беш аз 130 ҳазор атргулҳои рангоранг зеб медиҳанд.

Қаламчаи ин гулҳои зебо ва хушбӯйро аввали фасли баҳорон дар чаҳорчӯби лоиҳаи умумимиллии «Макони сабз» ба тариқи ҳашар шинонда буданд. Ҳоло кӯчаҳои Буюк Турон, Мустақиллик ва ба номи Ислом Каримов дар оғӯши гулҳои рангоранг қарор дошта, ба зебоии шаҳр меафзоянд. Ҳукумати шаҳри Қаршӣ ният дорад, ки ба ҷуз аз сохтаву ба истифода додани биноҳои хуштарҳи истиқомативу маъмурӣ ҳамасола маркази вилоятро ба чаманзори ҳақиқӣ мубаддал созад. Ин иқдоми нек солҳои минбаъда дар ҷодаҳои дигари шаҳр низ идома хоҳанд кард.

Шариф ХАЛИЛ, 
хабарнигори 
«Овози тоҷик» 
дар вилояти Қашқадарё.

ТАФСИРИ ХУДРО ГУЗОРЕД: