Дар шаҳри Санкт-Петербург ҷаласаи навбатии Комиссияи ҳуқуқи башари ИДМ баргузор гардид.

Дар он намояндагони Арманистон, Белорус, Қазоқистон, Қирғизистон, Русия ва Тоҷикистон низ ширкат доштанд. 
Иштирокчиён масъалаҳои ҳифзи ҳуқуқҳои иҷтимоии шаҳрвандонеро, ки дар кишварҳои иттиҳод кор мекунанд, баррасӣ карданд.
Аъзои комиссияи мазкур, Омбудсмани Ӯзбекистон Феруза Эшматова ба аъзои Комиссия изҳор дошт, ки қонунгузории миллӣ дар соҳаи муҳоҷират дар кишварҳо дар асоси меъёрҳои ҳуқуқи байналмилалӣ такмил дода, механизмҳои ҳифзи ҳуқуқу озодиҳои муҳоҷирон пурзӯр карда шавад. 
Вай таваҷҷуҳро ба он ҷалб кард, ки масъалаҳои такмили қонунгузорӣ дар соҳаи муҳоҷират ва ҳифзи ҳуқуқи муҳоҷирон дар кишварҳои Иттиҳод хеле муҳиманд. 
Инчунин изҳори итминон карда шуд, ки ташаккули равиши ягона барои муайян ва тасниф кардани ҳуқуқ ва ӯҳдадориҳои муҳоҷирон, ки ба ӯҳдадориҳои байналмилалии ҳуқуқи башар мутобиқ аст, метавонад ба ҳалли мушкилоти зиёде дар соҳаи муҳоҷират мусоидат кунад. 
Қобили зикр аст, ки «Низомномаи нав дар бораи Комиссияи ҳуқуқи башари ИДМ» дар ҷаласаи сарони кишварҳои узви Иттиҳоди Давлатҳои Мустақил 15 октябри соли 2022 дар паи ҳамоиши сарони кишварҳои узви ИДМ дар пойтахти Остонаи Қазоқистон қабул шуд. Фаъолияти комиссияи оид ба ҳуқуқҳои инсони ИДМ ташкил карда шудааст. Ҷаласаи нахустини Комиссияи ҳуқуқи башари ИДМ 29 ноябри соли 2023 дар Минск баргузор шуд. 

Норгул АБДУРАИМОВА, 
мухбири ӮзА.