Лоиҳаи буҷаи давлатӣ баррасӣ гардид

Президент Шавкат Мирзиёев 1 ноябр оид ба мадохилоти андоз ва параметрҳои буҷа барои соли 2022 ҷамъомад баргузор намуд.

Президент Шавкат Мирзиёев 1 ноябр оид ба мадохилоти андоз ва параметрҳои буҷа барои соли 2022 ҷамъомад баргузор намуд.

Сарвари давлат таъкид кард, ки баланд бардоштани шаъну шарафи инсон ва беҳбуди зиндагии мардум дар кишвари мо ҳадафи асосӣ муайян шудааст ва ин тамоюлҳо бояд дар ташаккули буҷет меъёри асосӣ бошанд.

Бинобар ин дар лоиҳаи Буҷаи давлатӣ барои соли оянда дар навбати аввал ба масъалаҳои иҷтимоӣ диққати махсус дода шудааст. Аз ҷумла, барои маориф ва нигаҳдории тандурустӣ ҷудо кардани 58 триллион сӯм пешбинӣ шудааст.

Сарвари давлат пешниҳод кард, ки барои ин соҳаҳо ба таври иловагӣ 12 триллион сӯм ҷудо карда шавад, зеро бо назардошти эҳтиёҷ ва дархости аҳолӣ дар минтақаҳо дар соли оянда 55 барномаи нав амалӣ карда мешавад.

Аз ҷумла, барои кушодани 1,6 ҳазор кӯдакистон дар маҳаллаҳои дурдаст, бунёди 40 мактаби нав ва таъмири 235 мактаб, навсозии китобҳои дарсӣ ва бунёди 2 ҳазор синфҳои компютерӣ тадбирҳо пешбинӣ шудаанд.

Дар низоми таълими олӣ низ бояд як қатор вазифаҳоро ҳал кард. Ҳамин тариқ, зиёд кардани квотаҳои қабул ба донишгоҳҳо, аз ҷумла барои магистратура ва докторантура дар асоси грантҳои давлатӣ, додани субсидия барои сохтмон ва муҷаҳҳазсозии хобгоҳҳо дар асоси шарикии давлатию хусусӣ ва қисман ҷуброн кардани хароҷоти бештар аз 80 ҳазор нафар донишҷӯён барои иҷораи манзил ба нақша гирифта шудааст.

Соли оянда барои рушди соҳаи кӯмаки аввалияи тиббию санитарӣ ва ҷорӣ намудани хидматрасонии тиббии баландтехнологӣ дар минтақаҳо ҷудо кардани 8 триллион сӯм пешбинӣ шудааст. Аз ин 1 триллион сӯмаш ба рушди онкогематология, эндокринология, трансплантатсияи гурда ва ҷигар нигаронда мешавад. Барои ташкили эмгузаронии зидди коронавирус ва ба 17 миллион нафар расондани шумораи шахсони ваксинашуда, расонидани хидматҳои махсуси тиббӣ ба табақаҳои аз ҷиҳати иҷтимоӣ осебпазири аҳолӣ маблағҳои дахлдор пешбинӣ шудаанд.

Президент зарурати тадриҷан боло бурдани маоши омӯзгорон ва шифокоронро таъкид намуда,  пешниҳод кард, ки барои ин мақсадҳо маблағи иловагӣ ҷудо карда шавад.

Дар лоиҳаи буҷаи давлатӣ яке аз моддаҳои асосии хароҷот беҳтар намудани инфрасохтори минтақаҳо муайян шудааст. Барои сохтмони манзил ва объектҳои иҷтимоӣ, инчунин ободонии маҳаллаҳо ҷудо кардани 26 триллион сӯм пешбинӣ шудааст.

-- Ба ин соҳаҳо бори аввал чӣ қадар маблағ ҷудо карда мешавад. Акнун бояд инро ботартиб ва самаранок ташкил кард. Аз ин рӯ бояд маблағи бинобар ҳар як барнома ҷудомешударо бо индикаторҳои мақсаднок пайваста, низоми электронии назоратро ҷорӣ кард, -- гуфт Шавкат Мирзиёев.

Алоҳида ба масъалаи пурзӯр намудани назорати молиявӣ дар системаи буҷа дахл карда шуд. Зарурати баланд бардоштани шаффофияти низоми хариди давлатӣ, таъмини интизоми оҳанин дар ин масъала қайд карда шуд.

Ба Вазорати молия супориш дода шуд, ки аз 1 январи соли оянда низоми баргузории тендерҳоро ҷорӣ намояд, ки омили инсониро истисно мекунад. Инчунин, супурда шуд, муҳосибии ҳамаи ташкилотҳои буҷа пурра рақамӣ гардонда, ҳиобу китоб оид ба харидҳои давлатӣ  ба воситаи ҳисоб-фактураҳои электронӣ анҷом дода шаванд.

Сарвари давлат таъкид кард, ки лоиҳаи буҷет бо иштироки Шӯроҳои маҳаллӣ, соҳибкорон ва аҳолӣ мавриди баррасӣ қарор гирифта, пешниҳодҳои онҳо ба муҳокимаи Олий Маҷлис тақдим карда шаванд.

Оид ба масъалаҳои дар ҷамъомад баррасишуда шахсони масъул маълумот доданд.

ТАФСИРИ ХУДРО ГУЗОРЕД: