23 август дар қароргоҳи "Кӯксарой" маросими ботантанаи истиқболи Президенти Ҷумҳурии Озарбойҷон Илҳом Алиев, ки дар кишвари мо бо сафари давлатӣ қарор дорад, баргузор гардид.
Дар майдоне, ки бо парчамҳои давлатии ду мамлакат оро ёфтаанд, ба шарафи Президенти Озарбойҷон қаровули фахрӣ саф орост.
Президенти Ҷумҳурии Ӯзбекистон Шавкат Мирзиёев меҳмони олиқадрро самимона истиқбол намуда, ба шоҳсуфа даъват кард. Гимнҳои давлатии Ӯзбекистон ва Озарбойҷон садо доданд.
Роҳбарон аз пеши сафи қаровули фахрӣ гузашта, аъзои ҳайатҳои вакилони расмиро хайрамақдам гуфтанд.
Пас аз аксгириҳои якҷоя музокироти сарони давлатҳо дар доираи маҳдуд оғоз ёфт.
