Нашриёти машҳури сайёҳии Бритониё «Bradt Travel Guides» раҳнамои «Сафарҳои истисноӣ барои соли 2023»-ро нашр кард, ки дар он Қароқалпоқистон ҳамчун макони истисноии сайёҳӣ қайд карда шудааст.

Нашриёти машҳури сайёҳии Бритониё «Bradt Travel Guides» раҳнамои «Сафарҳои истисноӣ барои соли 2023»-ро нашр кард, ки дар он Қароқалпоқистон ҳамчун макони истисноии сайёҳӣ қайд карда шудааст.
Нашриёт менависад, ки дар соли 2023 тамоми таваҷҷуҳ ба Ӯзбекистон нигаронида мешавад, ки дар он ҷо бори нахуст Ассамблеяи генералии UNWTO дар Самарқанд баргузор мешавад. Чорабинии мазкур барои шиносоӣ пайдо кардан  бо шаҳрҳои Роҳи абрешим дар ҳудуди Ӯзбекистон ва объектҳои Мероси умумиҷаҳонии ЮНЕСКО  имконияти хуб мегардад.
Ба сайёҳон ташвиқ карда мешаванд, ки ба Қароқалпоқистон ҳамчун як макони каммаълум, вале истисноии сайёҳӣ сафар кунанд. Муаллифони мақола қайд мекунанд, ки фаъолияти фурудгоҳи нави Мӯйноқ бо ҳафтае се парвоз ба Тошканд ва роҳандозии қатораи баландсуръат ба Нуқус ба ин минтақаи дурдаст ва дилрабо дастрасии логистикиро фароҳам меорад.
Муаллифон дар бораи Қароқалпоқистон сухан ронда, хабар медиҳанд, ки ин қисмати Ӯзбекистон ҳамчун зодгоҳи баҳри Арал маъруф аст. Аз соли 2020 инҷониб дар ин ҷо ду боғи нави миллӣ таъсис дода шудааст ва дар охири тобистон дар Осиёи Марказӣ ҷашнвораи мусиқии электронӣ «Stihia Festival» баргузор мешавад.
«Инчунин дар яке аз ториктарин минтақаҳои осмони шаб лагери нави юртхона мавҷуд аст ва дар осорхонаи аҷиби Савитский дар Луври Даштӣ барномаи ҷолиби намоишгоҳҳои муваққатӣ бахшида ба асарҳои коллексияи авангардҳои ҷаҳонии ӯ мавҷуд аст», – гуфта мешавад дар мақола.

АИ «Дунё»,
Лондон.